50:320  forge  en  la  boutique  des  hommes:  mais  qu'il  se  monstre  estre  vrayement  disciple  de  nostre  Seigneur  Iesus  Christ,  et  que  nous  soyons  tous  enseignez  en  son  authorite:  voila  pour  un  item.  Et  pour  le  second,  il  faut  que  nous  scachions  ce  qui  est  contenu  en  l'Evangile.  Car  si  ce  mot  trotte  en  la  bouche  de  chacun,  et  que  cependant  sous  ce  mot  de  l'Evangile,  on  nous  face  a  croire  que  vessies  sont  lanternes  (comme  on  dit),  et  que  sera-ce?  Qu'est-ce  que  nous  aurons  gaigne  que  l'Evangile  ait  un  titre  si  honorable  entre  nous,  qu'on  dise,  C'est  la  pure  verite  de  Dieu,  a  laquelle  toutes  creatures  se  doivent  assubietir?  mais  il  faut  que  nous  cognoissions  quelle  est  la  substance,  que  nous  scachions  que  le  Fils  de  Dieu  est  descendu  ici  bas  pour  nous  conduire  a  Dieu  son  Pere,  a  fin  que  nous  cognoissions  comment  il  veut  estre  adore  de  nous:  et  puis,  que  nous  scachions  quelle  est  la  volonte  de  Dieu,  pour  y  renger  toute  nostre  vie:  que  nous  n'inventions  point  un  service  a  nostre  appetit  et  a  nostre  poste,  mais  que  nous  luy  rendions  l'obeissance  qu'il  demande  et  approuve  sur  tout.  Et  puis  que  nous  cognoissions  combien  nostre  condition  est  miserable,  si  nous  voulons  cercher  nostre  salut  en  nous,  car  il  n'y  a  qu'ignorance,  infirmite,  faiblesse,  mesmes  qu'il  n'y  a  que  rebellion  et  cupiditez  meschantes:  que  (bref)  nous  sommes  detenus  sous  les  liens  de  Satan,  qu'il  nous  traine  comme  poures  bestes,  comme  des  asnes  ou  des  boeufs  qui  sont  vendus:  et  que  si  nous  desirons  d'estre  affranchis  d'une  telle  captivite  et  tyrannie  si  horrible,  qu'il  nous  faut  venir  a  Dieu  seul,  scachans  que  c'est  luy  qui  est  la  fontaine  de  tout  bien.  Et  au  reste,  pour  ce  que  nous  ne  pouvons  approcher  de  Dieu,  que  nous  venions  a  nostre  Seigneur  Iesus  Christ,  lequel  est  descendu  a  nous:  et  que  nous  cerchions  en  sa  plenitude  tout  ce  qui  nous  fait  defaut,  et  que  nous  mettions  la  toute  nostre  fiance:  que  nous  n'avons  point  autre  adresse  que  luy,  ni  autre  iustice,  ni  autre  sainctete  et  perfection:  mais  qu'estans  aneantis  en  nous  mesmes,  nous  ne  laissions  point  neantmoins  d'esperer  qu'il  nous  conduira  a  Dieu  son  Pere:  que  nous  cognoissions  aussi  par  quel  moyen  il  nous  iustifie:  c'est  a  scavoir  par  le  sacrifice  de  sa  mort  et  passion.  Et  puis  quand  nous  venons  prier  Dieu,  que  nous  venions  a  luy  comme  a  nostre  advocat,  a  fin  qu'il  porte  la  parole  pour  nous.  Voila  donc  ce  que  nous  devons  scavoir  de  l'Evangile,  c'est  qu'il  n'y  a  qu'uno  seule  Loy,  a  laquelle  il  nous  salle  reigler  nostre  vie  :  que  nous  ayons  une  certaine  creance,  que  nous  cognoissious  le  Dieu  lequel  il  nous  faut  servir  et  adorer.  Apres  que  nous  le  contemplions  en  la  personne  de  nostre  Seigneur  Iesus  Christ,  qui  est  sa  vraye  image,  que  nous  n'ayons  autre  obiect  que  Iesus  Christ:  que  toutes  noe  pensees  s'adressent  la,