49:320  tiae  larva  se  venditabant.  Ex  hoc  summo  malo  duo  alia  consequebantur  :  quod  his  quasi  integumentis  evangelii  simplicitas  deformabatur,  et  Christus  tanquam  nova  et  extranea  forma  intuebatur,  no  pura  et  nativa  eius  notitia  exstaret.  Deinde  quod  conversis  ad  verborum  nitorem  et  elegantiam,  ad  acutas  speculationes,  ad  inanem  sublimioris  doctrinae  speciem  hominum  animis,  spiritus  energia  evanescebat:  nec  quidquam  relinquebatur  praeter  mortuam  literam  :  non  apparebat  Dei  maiestas,  qualis  in  evangelio  elucet,  sed  fucus  tantum  et  infructuosa  pompa.  Has  ergo  evangelii  corruptelas  ut  insectetur  Paulus,  transitum  hic  facit  ad  modum  praedicationis  suae  :  quem  rectum  et  legitimum  esse  asserit,  quum  tamen  ex  diametro  cum  ambitiosa  illorum  ostentatione  pugnaret:  ac  si  diceret:  scio  quantopere  sibi  blandiantur  vestri  isti  delicati  doctores  sua  magniloquentia:  ego  autem  praedicationem  meam  rudi  et  crasso  minimeque  polito  dicendi  genere  constitisse,  non  tantum  confiteor,  sed  etiam  glorior.  Sic  enim  agi  oportuit,  atque  haec  mihi  ratio  fuit  divinitus  praescripta.  Sermonis  sapientiam  vocat,  non  loyo-  SatSaXtav,  quae  nihil  est  quam  inanis  loquacitas:  sed  eloquentiam  veram,  quae  constat  prudenti  rerum  inventione,  dispositione  ingeniosa,  et  elegantia  sermonis.  Hanc  sibi  defuisse  testatur,  quin  etiam  suae  praedicationi  neque  aptam,  neque  utilem  fuisse.  Ne  inanis  reddatur  crux  Christi.  Quemadmodum  supra  toties  nomen  Christi  superbae  carnis  sapientiae  opposuit,  ita  nunc  in  medium  adducit  Christi  crucem,  qua  fastum  illius  omnem  ac  sublimitatem  deiiciat.  Tota  enim  fidelium  sapientia  in  Christi  cruce  inclusa  est:  quid  autem  cruce  contemptibilius?  Ergo  qui  vere  Deo  vult  sapere,  necesse  est  ut  ad  hanc  crucis  humilitatem  descendat:  hoc  porro  non  fiet,  quin  se  prius  et  proprio  sensu  et  tota  mundi  sapientia  abdicaverit.  Verum  non  hic  tantum  quales  esse  Christi  discipulos,  et  quam  discendi  viam  tenere  conveniat,  sed  etiam  quae  sit  docendi  ratio  in  schola  Christi,  tradit  Paulus.  Exinanita,  inquit,  fuisset  crux  Christi,  si  eloquentia  et  splendore  ornata  fuisset  mea  praedicatio.  Crucem  Christi  hic  posuit  pro  redemptionis  beneficio,  quod  a  Christo  crucifixo  petendum  est.  Doctrina  autem  evangelii,  quae  illuc  nos  vocat,  debet  sapere  crucis  naturam:  ut  scilicet  despecta  sit  magis  et  abiecta  coram  mundo  quam  gloriosa.  Sensus  ergo  est,  quod  si  Paulus  philosophico  acumine  et  dicendi  artificio  usus  esset  apud  Corinthios,  sepulta  fuisset  efficacia  crucis  Christi,  in  qua  consistit  salus  hominum  :  quia  pervenire  ad  nos  hac  via  non  potest.  Hic  duo  quaeruntur,  numquid  hic  prorsus  damnet  Paulus  sermonis  sapientiam,  tanquam  Christo  adversariam:  deinde  numquid  perpetuum  esse  dissidium  evangelii  doctrinae  cum  eloquentia  intelligat,  ut  simul  convenire  nequeant:  vitiarique  evangelii  praedicationem,  si  quis