1:320  [A  26;  B  24;  C  24.  26.  Liberi  ergo  arbitrii  dictus  est  homo,  non  quia  liberam  habeat  boni  aeque  ac  mali  electionem;  sed  quia  voluntate  male  agit,  non  coactione.  Optime  id  quidem:  sed  quorsum  attinebat,  rem  tantulam  adeo  superbo  titulo  insignire?  Egregia  vero  libertas,  si  homo  quidem  non  cogitur  ad  serviendum  peccato;  sic  tamen  est  ἐθελοδοῦλος,  ut  vincta  teneatur  peccati  compedibus  eius  voluntas.  Equidem  λογομαχίας  abominor,  quibus  frustra  ecclesia  fatigatur;  sed  religiose  censeo  cavendas  eas  voces,  quae  absurdum  aliquid  sonant,  praesertim  ubi  perniciose  erratur.  Quotus  autem,  quaeso,  quisque  est,  qui  dum  assignari  homini  liberum  arbitrium  audit,  non  statim  concipit  illum  esse  et  mentis  suae  et  voluntatis  dominum,  qui  flectere  se  in  utramvis  partem  a  se  ipso  possit?  Atqui,  dicet  quispiam,  sublatum  erit  huiusmodi  periculum,  si  de  significatione  diligenter  plebs  admoneatur.  Imo  vero,  quum  in  falsitatem  ultro  humanum  ingenium  propendeat,  citius  errorem  ex  verbulo  uno  hauriet,  quam  veritatem  ex  prolixa  oratione.  Cuius  rei  certius  habemus  in  hoc  ipso  vocabulo,  quam  optandum  sit,  experimentum.  Illa  enim  veterum  interpretatione  praetermissa,  tota  fere  posteritas,  in  verbi  etymo  dum  haeret;  in  exitialem  confidentiam  evecta  est.  27.  Quod  si  nos  patrum  autoritas  movet,  illi  quidem  assidue  in  ore  habent  vocabulum,  sed  simul  declarant  quanti  faciant  illius  usum.  In  primis  Augustinus,  qui  non  dubitat  servum  appellare.  1)  Alicubi  succenset  adversus  eos  qui  liberum  negant  arbitrium;  sed  praecipuam  rationem  declarat  quum  ait:  2)  tantum  ne  audeat  quisquam  sic  negare  voluntatis  arbitrium,  ut  velit  excusare  peccatum.  At  certe  alibi  3)  fatetur  sine  spiritu  non  esse  liberam  hominis  voluntatem,  quum  cupiditatibus  vincatur.4)  Item:  o)  victa  vitio  in  quod  cecidit  voluntate,  coepisse  carere  libertate  naturam.  Item:  6)  hominem,  libero  arbitrio  male  usum,  et  se  et  arbitrium  suum  perdidisse.  Item:  7)  liberum  arbitrium  captivatum,  ne  quid  possit  ad  iustitiam.  Item:  8)  liberum  non  fore,  quod  non  Dei  gratia  liberaverit  Item:  9)  iustitiam  Dei  non  impleri,  quum  lex  iubet,  et  homo  quasi  suis  viribus  facit;  sed  quum  spiritus  adiuvat;  et  hominis  non  libera,  sed  a  Deo  liberata  voluntas  obsequitur.  Atque  horum  omnium  rationem  breviter  reddit,  quum  alibi  scribit  10)  hominem  magnas  liberi  arbitrii  vires  quum  conderetur  accepisse,  sed  peccando  amisisse.  Itaque  alibi,  11)  postquam  ostendit  liberum  arbitrium  constitui  per  gratiam,  acriter  in  eos  invehitur,  qui  sibi  1)  Lib.  1.  contra  Iulian.  2)  Homil.  53.  in  Ioann.  3)  Ad  Anast.  epist.  144.  (145).  4)  vincientibus  ac  vincentibus  subdita  sit.  1543  et  seqq.  5)  De  perfect.  iustit,  c.  4.  6)  Euchir.  ad  Laurent,  c.  30.  7)  Lib.  3.  ad  Bonifac.  c.  8.  8)  Lib.  1.  ad  Bonifac,  c.  3.  9)  Lib.  3.  c.  7.  10)  Lib.  de  verbis  apost.  serm.  2.  (131,  6).  11)  Lib.  de  spiritu  et  litera,  c.  30.