7:32  ANTIDOTUM.  Definitionum  regula  praescribitur  nobis  a  Paulo,  quantum  ad  particulares  ecclesias,  quum  dicit:  prophetae  duo  aut  tres  loquantur:  alii  diiudicent.  Si  loquente  uno  fuerit  quid  melius  alteri  revelatum,  surgat  (1  Cor.  14,  29).  Si  quod  inter  ecclesias  ≫  dissidium  exortum  sit,  fatemur  hanc  constituendae  concordiae  legitimam  esse  rationem,  quae  semper  observata  fuit,  ut  coeant  pastores,  atque  ex  verbo  Dei  definiant,  quid  sequendum  sit.  Caeterum,  si  visibilis  ecclesiae  definitiones  pro  oraculis  habere  libet  :  visibilis  erat  ecclesia,  cui  solus  Micheas  resistebat  (1  Reg.  22,  10).  Visibilis  etiam  erat  ecclesia,  quae  dicebat:  Venite,  cogitemus  adversus  Ieremiam  cogitationes.  Non  enim  peribit  sapientia  a  sapientibus,  nec  a  senibus  consilium,  nec  lex  a  sacerdotibus  (Ier.  18,  18).  Denique  visibilis  ecclesia  erat,  Christi  tempore,  penes  summum  pontificem  et  collegium  sacerdotale.  Erat  enim  hierarchia  multo  melius  fundata,  et  certiore  testimonio  confirmata,  quam  haec  sit  cuius  praetextu  superbiunt,  qui  ecclesiae  titulum  hodie  usurpant.  Qui  ergo  audiendas  visisibilis  ecclesiae  definitiones,  sine  delectu  et  exceptione  volunt,  simul  hanc  necessitatem  imponunt  fidelibus,  ut  abnegato  Christo,  et  relicta  Dei  veritate,  impietati  saepe  adhaereant.  ARTICULUS  XX.  De  articulis  fidei  per  ecclesiam  tradifis.  Est  et  certum,  multa  esse  credenda,  quae  non  sunt  expresse  ac  speciatim  tradita  in  scripturis  sacris  :  quae  tamen  per  traditionem  ecclesiae  sunt  necessario  recipienda.  Probatur  ab  inconvenienti,  vel  absurdo.  Quia  alias  oporteret  ferme  facere  novum  mundum:  quum  vix  centesima  pars  eorum,  quae  firmiter  tenemus  et  nihil  dubitationis  apud  nos  habent,  expresse  probari  queat  ex  scripturis.  Sed  quia  est  elicitum  a  longe  per  subtiles  deductiones  doctorum,  ideo  manent  in  sua  certitudine.  Probatur  etiam  a  verisimili.  Quia  credibile  est  quod  apostoli,  quamvis  essent  pleni  spiritu  sancto,  et  haberent  mandatum  perfecte  instruendi  ecclesiam,  tamen  voluerint  aliquid  relinquere  suis  successoribus:  ne  in  omnibus  eos  praeoccupando,  alas  illis  nimium  decurtarent.  Probatur  item  a  simili:  quia,  sicut  apud  legistas  est  ius  scriptum  et  non  scriptum,  ita  debet  esse  in  theologia.  ANTIDOTUM.  Multifariam,  inquit  apostolus,  multisque  modis  loquutus  est  olim  Deus  per  prophetas:  novissime