53:32  verser  avec  nos  prochains,  ni  aussi  comme  nous  devons  servir  Dieu:  mais  le  principal  est  que  nous  soyons  asseurez  de  nostre  salut.  Et  comment?  De  autant  qu'il  plaist  a  Dieu  de  nous  recevoir  en  sa  grace  par  le  moyen  de  son  Fils  unique,  d'autant  que  nous  sommes  lavez  et  nettoyez  de  nos  ordures,  d'autant  qu'il  nous  a  acquittez  de  nos  dettes,  desquelles  nous  estions  obligez  a  la  mort  eternelle:  brief,  d'autant  que  nous  sommes  iustifiez,  non  pas  selon  nos  merites,  mais  par  la  pure  bonte  de  nostre  Dieu.  Voila  ce  que  nous  avons  a  noter.  Or  pource  que  plusieurs  font  protestation  de  bouche  d'estre  sideles,  lesquels  neantmoins  ne  tienent  rien  de  Dieu,  ne  de  sa  Parole,  S.  Paul  notamment  met  ici,  La  foy  non  feinte.  Il  est  vray  que  si  quelqu'un  ha  la  foy,  il  faudra  necessairement  qu'il  ait  une  conscience  pure,  qu'il  ait  un  coeur  droit:  mais  ici  S.  Paul  a  regarde  l'impudence  des  hommes  qui  sont  effrontez  pour  mentir,  et  sur  tout  quand  il  est  question  de  se  couvrir  du  nom  de  Dieu.  Comme  nous  voyons  qu'il  y  a  une  audace  diabolique,  que  nous  ferons  difficulte  d'emprunter  le  nom  d'un  homme  (et  aussi  cela  nous  seroit  reproche  comme  une  faussete  vileine),  mais  d'emprunter  Ie  nom  de  Dieu  a  faux  titre,  nous  n'en  ferons  nul  scrupule.  Pourtant  S.  Paul  declare  ici  quelle  doit  estre  la  foy,  quand  il  dit  quelle  ne  soit  point  feinte.  Or  par  ce  mot  il  n'y  a  nulle  doute  qu'il  ne  nous  vueille  admonester  que  la  foy  ha  son  regard  a  Dieu,  et  qu'il  ne  faut  point  que  nous  pensions  ici  user  de  fiction:  que  tout  cela  soit  mis  bas.  Quand  nous  aurons  affaire  aux  hommes,  il  nous  semblera  que  nous  les  pourrons  contenter  de  belles  paroles  et  de  quelque  bonne  mine:  mais  S.  Paul  monstre  qu'il  faut  que  tout  ces  voiles-la  soyent  ostez,  quand  il  est  question  de  la  foy.  Et  pourquoy?  Car  Dieu  nous  appelle  a  soy,  et  veut  que  nous  ne  tendions  qu'a  luy,  et  que  nous  ayons  la  tous  nos  sens  fichez:  car  nous  scavons  que  nulle  fiction  ne  sera  receue  devant  luy,  d'autant  qu'il  ne  se  gouverne  point  a  la  facon  et  a  la  guise  des  hommes.  Ainsi  en  somme,  S.  Paul  nous  a  voulu  advertir  en  ce  passage,  que  la  foy  n'est  pas  une  opinion  volage,  quand  nous  aurons  quelque  intelligence  nue  de  la  parole  de  Dieu:  que  ce  ne  sera  point  un  benefice  de  scavoir  bien  caqueter,  que  ce  ne  sera  pas  une  subtilite  qui  voltige  seulement  au  cerveau.  Quoy  donc?  C'est  une  cognoissance  vive  qui  a  sa  racine  au  coeur.  Et  pourquoy?  Car  ici  Dieu  se  presente  a  nous,  et  il  faut  que  nous  venions  droit  a  luy.  Quand  nous  avons  une  telle  partie,  il  ne  faut  plus  que  nous  usions  de  feintise:  car  cela  ne  nous  profitera  de  rien.  Et  de  fait,  aussi  cela  n'a  point  de  lieu  envers  Dieu,  comme  nous  avons  monstre.  Nous  voyons  ce  que  sainct  Paul  a  ici  entendu,  et  que  nous  avons  a  noter  de  ces  paroles:  c'est  ascavoir  que  pour  bien  profiter  en  la