52:32  sed  bonam  voluntatem  prorsus  a  Deo  effici.  Quod  autem  calumniantur,  nos  similes  facere  homines  lapidibus,  quum  docemus  nihil  eos  boni  habere  nisi  a  mera  gratia:  impudenter  faciunt.  Fatemur  enim  nos  a  natura  habere  voluntatem  :  sed  quoniam  peccati  corruptione  mala  est,  tunc  bona  esse  incipit  quum  reformata  est  a  Deo.  Nec  dicimus  hominem  quidquam  boni  facere,  nisi  volentem:  sed  tunc  quum  voluntas  regitur  a  spiritu  Dei.  Ergo  quod  ad  hanc  partem  spectat,  videmus  Deo  integram  laudem  asseri:  ac  frivolum  esse  quod  sophistae  docent,  offerri  nobis  gratiam,  et  quasi  in  medio  poni,  ut  eam  amplectamur  si  libeat.  Nisi  enim  efficaciter  ageret  Deus  in  nobis,  non  diceretur  efficere  bonam  voluntatem.  De  secunda  parte  idem  sentiendum.  Deus,  inquit,  est  Ivepyov  evepyetv.  Perducit  igitur  ad  finem  usque  pios  affectus  quos  nobis  inspiravit,  ne  sint  irriti:  sicut  per  Ezechielem  (  l  l  ,  20.)  promittit,  Faciam  ut  in  praeceptis  meis  ambulent  Unde  colligimus  perseverantiam  quoque  merum  esse  eius  donum.  Pro  bona  voluntate.  Alii  interpretantur  bonum  animi  propositum.  Ego  potius  ad  Deum  refero,  ac  benevolum  eius  affectum  intelligo,  quem  vulgo  beneplacitum  vocant.  Nam  et  in  hac  significatione  frequentior  est  verbi  graeci  usus:  et  contextus  id  requirit.  Huc  enim  tendit  Paulus,  ut  omnia  Deo  tribuat,  nobis  auferat.  Ergo  non  contentus  tribuisse  Deo  et  bonae  voluntatis  et  operis  effectum,  utrumque  gratuitae  eius  misericordiae  adscribit:  quo  excludit  sophistarum  commentum  de  gratia  subsequente,  quam  imaginantur  meriti  esse  mercedem.  Totum  igitur  cursum  vitae  nostrae,  si  recte  vivimus,  dirigi  a  Deo  tradit:  idque  gratuita  eius  bonitate.  Cum  timore  et  tremore.  Hinc  Paulus  infert  exhortationem:  cum  timore  ut  salutem  suam  peragant.  Timorem  et  tremorem  augendi  causa,  suo  more  coniungit,  pro  serio  timore  et  sollicito.  Ergo  tam  somnolentiam,  quam  confidentiam  excutit.  Operandi  verbo  ignaviam  castigat,  quae  semper  aa  quaerendos  profectus  ingeniosa  est.  Suave  autem  fomentum  habere  videtur  in  gratia  Dei:  quia  si  in  nobis  operatur,  cur  non  resides  torpeamus?  Atqui  spiritus  sanctus  admonet,  se  velle  in  vivis  organis  operari:  sed  mox  arrogantiam  retundit,  timorem  d  tremorem  commendans.  Ac  notanda  est  diligenter  illatio:  A  Deo,  inquit,  habetis  omnia.  Ergo  soliciti  et  humiles  estote.  Nihil  enim  est  quod  magis  ad  modestiam  et  timorem  erudire  nos  debeat,  quam  dum  audimus  nos  sola  Dei  gratia  stare:  mox  ruituros,  si  manum  ille  suam  vel  tantillum  subtrahat.  Fiducia  nostri  securitatem  generat  et  ferociam.  Hoc  experimur,  quicumque  propriis  viribus  confidunt,  eos  insolescere  arrogantia,  et  simul  securos  dormire.  Utriusque  igitur  mali  remedium  est  si