51:32  vocation  de  Dien,  et  que  tousiours  en  nous  efforcant  nous  apprenions  de  retrancher  de  nos  vices*  Et  pour  ce  faire  que  nous  en  gemissions  pour  les  confesser  franchement  devant  Dieu,  mais  quoy  qu'il  en  soit,  ne  pensons  pas  estre  reiettez  de  luy,  encores  que  nostre  vie  soit  beaucoup  imparfaite.  Voila  donc  ce  que  nous  avons  a  retenir:  que  toutes  les  imperfections  et  infirmitez  que  nous  sentons  encores  en  nous  n'empescheront  pas  que  nous  ne  taschions  de  nous  renger  a  nostre  Dieu  et  de  nous  confermer  de  plus  en  plus  en  sa  crainte.  Et  cependant  que  nous  n'ayons  pas  un  bandeau  devant  les  yeux,  pour  nous  flatter:  mais  que  nous  gemissions,  confessans  combien  nous  luy  sommes  encores  redevables��  nous  aspirions  a  la  perfection  a  laquelle  il  nous  faut  tendre  tout  le  temps  de  nostre  vie  :  et  que  cela  est  de  cognoistre  que  nous  sommes  tous  damnez  et  perdus,  sinon  qu'il  nous  supporte  par  sa  bonte  infinie,  au  nom  de  nostre  Seigneur  Iesus  Christ.  Or  nous  nous  prosternerons  devant  la  maieste  de  nostre  bon  Dieu,  en  cognoissance  de  nos  fautes,  le  priant  qu'il  nous  les  face  sentir  de  plus  en  plus,  et  que  ce  ne  soit  pas  seulement  pour  en  faire  confession  de  bouche:  mais  pour  estre  touchez  d'une  telle  repentance,  que  d'un  vray  zele  et  pur  nous  taschions  de  nous  addonner  a  luy,  et  de  retrancher  tout  ce  qui  est  de  superflui  tez  en  nous  :  et  que  ce  soit  pour  nous  conformer  a  sa  saincte  volonte,  et  le  servir  en  telle  union  et  concorde,  que  d'un  coeur  et  d'une  bouche  nous  soyons  addonnez  a  le  magnifier:  qu'en  cela  nous  monstrions  que  vrayement  nous  sommes  conioints  en  ceste  adoption  qu'il  nous  declare  par  son  Evangile,  par  laquelle  il  se  monstre  estre  nostre  Pere  comme  nous  luy  voulons  estre  vrais  enfans.  Ainsi  nous  dirons  tous,  Dieu  tout  puissant,  Pere  celeste  etc.  TRENTESIXIEME  SERMON.  GALATES.  Chap.  V.  v.  19.23.  Nous  avons  veu  ce  matin  comme  les  hommes  sont  condamnez  devant  Dieu,  en  sorte  qu'il  ne  procede  rien  d'eux  sinon  toute  infection  et  ordure.  Or  si  Dieu  est  la  reigle  de  toute  perfection,  il  faut  bien  que  ce  qui  est  contraire  a  sa  nature  et  a  sa  parole  soit  du  tout  corrompu.  Or  est-il  ainsi  que  la  chair  a  un  combat  perpetuel  contre  l'esprit.  En  cela  donc  il  est  declare  que  les  hommes  cependant  qu'ils  suyvent  leur  train,  sont  ennemis  mortels  de  Dieu  en  toute  leur  vie.  Puis  qu'ainsi  est,  il  faut  conclure  qu'il  n'y  a  donc  que  toute  malice  et  iniquite.  Or  quand  nous  oyons  une  telle  sentence,  nous  devrions  bien  estre  confus  du  tout:  car  voici  un  arrest  du  iuge  celeste  contre  lequel  il  n'est  point  licite  de  repliquer:  et  puis  Dieu  parle  avee  effet.  Quand  donc  il  a  prononce  que  nous  sommes  de  nature  malins  et  pervers,  il  fera  quant  et  quant  son  office.  Or  il  nous  faut  venir  a  conte  devant  luy:  mais  nous  voyons  que  les  hommes  sont  tellement  eslourdis  4ou  en  leur  hypocrisie,  ou