48:32  quam  dato  spiritu  sancto.  Quum  ergo  spem  omnes  haberent  propinquae  restitutionis,  socordiae  eos  insimulat,  quod  de  illius  ratione  ac  modo  non  cogitent.  Caeterum,  quum  propheta  dicit,  effundam,  minime  dubium  est,  quin  largam  affluentiam  hoc  verbo  notare  voluerit.  Eodem  vero  sensu  accipere  convenit,  effundam  de  spiritu,  vel  ex  spiritu,  ac  ei  dictum  esset  simpliciter:  effundam  spiritum.  Nam  hoc  posterius  apud  prophetam  habetur.  Petrus  autem  Graecos  sequutus  est,  qui  vocem  hebraicam  e  t  h  verterunt  &TZO.  Frustra  ergo  quidam  subtilius  hic  philosophantur:  quia  utcunque  mutentur  verba,  retinenda  tamen  est  mens  prophetae.  Interea,  quum  Deus  effundere  spiritum  dicitur,  sic  accipi  debere  fateor,  quod  ex  spiritu  suo  tanquam  ex  unico  et  inexhausto  fonte  multiplicem  donorum  varietatem  profluere  in  homines  faciat.  Nam  teste  Paulo  (1.  Cor.  12,  4),  diversa  quidem  sunt  dona,  sed  unus  spiritus.  Hinc  vero  colligimus  utilem  doctrinam  :  nihil  nobis  praestantius  a  Deo  posse  dari  quam  spiritus  gratiam  :  imo  sine  hac  nihili  reliqua  omnia  esse.  Nam  quum  in  summa  Deus  populo  suo  vult  salutem  promittere,  spiritum  se  daturum  affirmat.  Hinc  sequitur,  nihil  nos  bonorum  posse  adipisci,  donec  spiritu  sancto  donemur.  Et  certe  tanquam  clavis  est,  quae  ostium  nobis  reserat,  ut  penetremus  in  omnes  spiritualium  bonorum  thesauros:  atque  etiam  ingrediamur  in  regnum  Dei.  Super  omnem  carnem.  Quid  haec  universitas  valeat,  ex  sequentibus  patet.  Nam  primum  in  genere  ponitur  omnis  caro:  deinde  partitio  additur,  qua  propheta  significat,  nullum  fore  aetatis  vel  sexus  discrimen,  qum  Deus  omnes  promiscue  in  gratiae  suae  communionem  admittat.  Omnis  igitur  caro:  quia  adolescentes  simul  ac  senes:  masculi  ac  foeminae.  Quaeri  tamen  potest,  cur  tanquam  novum  et  prius  inauditum  bonum  polliceatiil  Deus  populo  suo,  quod  ab  initio  sacculis  omnibus  praestare  solitus  fuerat.  Nullum  enim  saeculum  gratiae  spiritus  expers  fuit.  Huius  quaestionis  solutio  in  his  duobus  verbis  posita  est,  effundam,  et  super  omnem  carnem.  Duplex  enim  hic  antithesis  notanda  est  inter  veteris  et  novi  testamenti  tempus.  Effusio  enim,  ut  dixi,  uberem  plenamque  copiam  significat:  quum  sub  lege  parcior  fuisset  distributio.  Unde  etiam  Ioannes  spiritum  sanctum  datum  fuisse  negat}  donec  in  coelum  adscenderet  Christus.  Omnis  caro  significat  immensam  multitudinem,  quum  Dominus  antea  paucos  tam  ampla  spiritus  sui  participatione  dignatus  esset.  Porro,  in  utraque  comparatione  minime  negatur,  quin  patres  sub  lege  eiusdem  gratiae  nobiscum  participes  fuerint:  sed  Dominus  nos  illis  superiores  esse,  sicuti  sumus,  ostendit.  Eodem,  inquam,  et  intelligentiae  et  iustitiae,  et  sanctificationis  spiritu  praediti  fuerunt  pii  omnes  a  primo  mundi  exordio,  quo  nos  hodie  Dominus  illuminat  et  regenerat: