47:32  cognomen.  Vaticinium  intelligo,  non  tantum  quia  praeviderit  Christus  futuram  in  Petro  fidei  constantiam,  sed  quia  praedixerit  quid  illi  daturus  esset.  Ergo  gratiam  qua  illum  donare  postea  statuit,  iam  elogio  commendat:  ideo  non  dicit  hoc  illi  in  praesentia  cognomen  esse,  sed  differt  in  futurum  tempus:  Tu  vocaberis  Cephas,  inquit.  Pios  quidem  omnes  Petros  ease  convenit,  qui  in  Christo  fundati  ad  exstruendum  Dei  templum  aptentur:  sed  hic  unus  propter  singularem  excellentiam  ita  vocatur.  Interea  ridiculi  sunt  papistae,  qui  eum  in  Christi  vicem  substituunt,  ut  sit  ecclesiae  fundamentum,  quasi  vero  non  ipse  quoque  in  Christo  cum  reliquis  fundatus  sit:  bis  autem  ridiculi,  dum  ex  lapide  caput  faciunt.  Exstat  enim  in  Gratiani  rhapsodiis  insulsus  canon  sub  Anacleti  nomine,  qui  nomen  hebraeum  cum  graeco  permutans,  et  xecpaXijv  non  distinguens  a  Cepha,  Petrum  putat  constitutum  hoc  nomine  ecclesiae  caput.  Porro  Cepha  chaldaicum  magis  quam  hebraeum  est  nomen:  sed  illa  post  babylonicum  exsilium  usitata  erat  pronuntiatio.  Itaque  in  Christi  verbis  nihil  est  ambiguum.  Petro  enim  quod  minime  unquam  sperasset  promittit,  et  suam  in  eo  gratiam  saeculis  omnibus  commendat,  ne  quid  illi  obsit  prior  conditio,  quum  insignis  hic  titulus  novum  hominem  factum  esse  declaret.  43.  Postridie  voluit  Iesus  exire  in  Galilaeam,  et  invenit  Philippum,  et  dixit  illi:  Sequere  me.  44.  Erat  autem  Philippus  ex  Bethsaida,  urbe  Andreae  et  Petri.  45.  Invenit  Philippus  Nathanaelem,  et  dicit  illi:  Invenimus  Iesum  filium  Ioseph  ex  Nazareth.  Be  quo  scripsit-  Moses  in  lege,  et  prophetae.  46.  Bixit  Uli  Nathanael:  Ex  Nazareth  potest  aliquid  boni  esse?  Bixit  illi  Philippus:  Veni,  et  vide.  43.  Sequere  me.  Hac  una  voce  quod  accensus  fuit  Philippi  animus  ad  sequendum  Christum,  inde  colligimus  quanta  sit  verbi  efficacia:  sed  non  in  omnibus  promiscue  apparet.  Deus  enim  multos  compellat  nullo  profectu:  perinde  ac  si  inani  sonitu  eorum  aures  verberaret.  Externa  igitur  verbi  praedicatio  per  se  infructuosa  est,  nisi  quod  reprobos  letaliter  vulnerat,  ut  reddantur  coram  .Deo  inexcusabiles.  Sed  quum  arcana  spiritus  gratia  illam  vivificat,  necesse  est  sensus  omnes  sic  affici,  ut  homines  quocunque  Deus  vocat,  sequi  parati  sint.  Ergo  rogandus  Christus  est  ut  eandem  in  stabis  evangelii  potentiam  exserat.  Caeterum,  in  Philippo  sequendi  Christi  peculiaris  ratio  fuit.  Iubetur  enim  sequi  non  modo  ut  quivis  nostrum,  sed  tanquam  contubernalis  et  individuus  comes.  Sed  tamen  haec  vocatio  specimen  eBt  vocationis  omnium.  44.  Erat  ex  Bethsaida.  Videtur  data  opera  positum  huius  urbis  nomen,  quo  illustrior  in  tribus  apostolis  pateat  Dei  bonitas.  Scimus  quam  severe