46:32  cognoissions  qu'il  nous  est  favorable,  combien  qu'il  n'y  ait  que  povrete  en  nous.  Et  cela  aussi  nous  doit  faire  surmonter  toutes  les  afflictions  de  ce  monde,  comme  sainct  Paul  en  parle.  Si  nostre  Seigneur  nous  exerce  en  beaucoup  de  miseres,  d'angoisses,  de  fascheries,  et  de  solicitude^,  tellement  qu'on  nous  iuge  comme  gens  a  demi  perdus,  tant  y  a  que  la  seule  amour  de  nostre  Dieu,  quand  elle  sera  engravee  en  nos  coeurs  par  le  tesmoignage  du  Sainct  Esprit,  nous  doit  faire  surmonter  toutes  tentations,  et  cognoistre  que  nous  sommes  bienheureux  quand  Dieu  nous  ayant  receus  et  adoptez  pour  ses  enfans  au  nom  de  nostre  Seigneur  Iesus  Christ,  nous  cognoist  et  advoue  tousiours  pour  tels,  et  veut  faire  office  de  pere  envers  nous.  Que  cela  donc  nous  suffise,  a  fin  qu'estans  retenus  de  ce  goust  et  saveur  que  nous  avons  de  la  bonte  de  Dieu,  nous  puissions  batailler  contre  tous  les  assaux  que  Satan  nous  dressera,  et  porter  patiemment  toutes  les  miseres  de  ceste  vie  caduque.  Voyla  en  somme  ce  que  nous  avons  a  retenir.  Or  il  faut  aussi  reduire  en  memoire  ce  que  nous  avons  declare  par  ci  devant,  c'est  que  tout  ce  que  recite  S.  Luc  n'est  pas  seulement  au  regard  de  Zacharie,  ni  de  Iean  Baptiste  son  fils,  mais  que  c'est  pour  l'instruction  generale  de  toute  l'Eglise.  Et  voyla  pourquoy  notamment  il  est  exprime,  que  beaucoup  de  gens  s'esiouiront  en  sa  nativite.  Le  diable  a  converti  ceci  en  une  grande  mocquerie,  induisant  les  povres  idolatres  a  superstition.  En  la  Papaute  on  fera  feste  solennelle  chacun  an,  pour  celebrer  la  naissance  de*  S.  Iean  Baptiste,  et  puis  la  dessus  les  feux  de  ioye  seront  faits,  qui  seront  pleins  de  sorcelerie.  Or  voyla  une  belle  ombre  de  devotion  de  prime  face.  Car  puis  qu'il  a  este  dit  par  l'Ange  Gabriel,  que  non  seulement  Zacharie  s'esiouira  de  la  nativite  de  Iean  Baptiste  son  fils,  mais  tous  les  fideles  en  l'Eglise:  voyla  une  ioye  commune,  de  ce  que  ce  sainct  personnage  est  nay.  Et  pourquoy  donc  n'en  ferons  nous  solennite  par  chacun  an,  veu  qu'il  n'est  pas  dit  de  nul  autre  sainct,  qu'il  nous  sale  faire  des  feux  de  ioye,  comme  de  Iean  Baptiste?  Voyla  comme  le  diable  a  introduit  non  seulement  une  superstition,  mais  une  pure  sorcelerie,  sous  ombre  d'ensuyvre  ce  qui  est  yci  dit.  Et  puis,  nous  scavons  que  les  Papistes  voulans  honorer  les  saincts,  en  font  des  idoles:  et  c'est  tousiours  autant  d'abominations  devant  Dieu.  Mais  il  y  a  eu  une  autre  astuce  du  diable,  c'est  qu'il  a  voulu  aneantir  la  ioye,  de  laquelle  il  est  yci  fait  mention.  Or  ceste  ioye-la  n'est  point  de  ribler  et  de  danser,  de  brusler  du  bois,  et  de  faire  des  banquets  a  l'entour:  mais  c'est  que  nous  cognoissions  pourquoy  S.  Iean  Baptiste  a  este  envoye,  et  a  quelle  fin:  et  que  nous  scachions  ce  que  Dieu  nous  a  represente  en  sa  personne,  c'est  ascavoir  qu'il  est  un  Prophete,  voire  SI