44:32  gignit  ferociam.  Rebus  autem  adversis  discunt  mansuescere.  Mansuetos  igitur  terrae  vocat  propheta  noster,  qui  erant  morigeri  Deo,  postquam  eos  castigaverat.  Scimus  enim,  quamvis  percutiat  Deus  reprobos,  manere  tamen  cervice  obstipa,  et  collo  ferreo,  et  fronte  aenea.  Sed  fideles  cicurantur,  quemadmodum  Ieremias  etiam  fatetur  de  se  ipso.  Dicit  enim  se  fuisse  quasi  vitulum  indomitum  priusquam  castigatus  esset  Dei  virgis.  Sic  propheta  sermonem  dirigit  ad  paucos  homines,  qui  senserant  adversam  Dei  manum,  et  ita  humiliati  fuerant.  Iubet  eos  Deum  quaerere:  et  tamen  dicit  ipsos  fecisse  iudicium  eius.  Videntur  haec  duof  membra  inter  se  contraria.  Nam  si  prius  alienati  fuissent  a  Deo,  merito  iuberet  propheta  ipsos  redire  in  viam.  Sed  quia  addicti  fuerant  pietati,  et  vitam  suam  ad  sinceram  integritatem  composuerant,  videtur  parum  tempestive  propheta  eos  hortari  ut  quaerant  Deum.  Sed  sententia  haec  notatu  digna  est,  quia  hinc  colligimus,  etiam  optimos  quosque  ferulis  Dei  sollicitari  ad  colendam  pietatem  maiore  studii  ardore,  quam  prius  fecerant.  Quamvis  ergo  nobis  propositum  sit  Deum  colere,  et  sequi  eius  verbum:  tamen  ubi  surgunt  calamitates,  quia  apparet  Deus  iudex,  simul  etiam  nos  exstimulat  ad  maiorem  curam  et  sollicitudinem.  Neque  enim  unquam  eveniet,  ut  quisquam  satisfaciat  suo  officio.  Meminerimus  ergo  nos  divinitus  excitari  quoties  res  adversae  impendent,  et  ubi  Deus  ipse  iratum  se  manifestis  signis  ostendit.  Haec  ratio  est  cur  propheta  iubeat  pios  iustitiae  cultores  Deum  quaerere,  utcunque  prius  dediti  fuissent  rectitudini.  Fuit  etiam  alia  ratio.  Scimus  graviter  labefactari  fidem,  ubi  promiscue  et  sine  delectu  boni  simul  et  mali  affliguntur  Dei  manu.  Nam  pii  tunc  reputant  sibi  nihil  prodesse,  quod  Deum  studuerint  ex  animo  colere:  putant  hoc  fuisse  inane  et  frivolum,  quia  trahuntur  in  easdem  miserias.  Ergo  quoniam  haec  tentatio  posset  concutere  etiam  firmissimos  quosque,  propheta  hic  ad  perseverantiam  hortatur  fideles,  ac  si  diceret  in  primo  tumultu  non  posse  notari  discrimen  inter  bonos  et  malos,  quantum  attinet  ad  fortunam:  quia  utrosque  Dominus  similiter  affligit:  sed  finem  fore  diversum  :  ideo  non  esse  cur  animos  despondeant,  vel  putent  se  nihil  proficere  quaerendo  Deum:  quia  tandem  ostendet  re  ipsa  sibi  placuisse  eorum  integritatem:  quasi  diceret,  Deus  vos  non  remuneratur  primo  momento,  sed  patientia  vestra  tandem  ostendet  ipsum  esse  iustum  iudicem,  qui  suos  in  ultima  necessitate  respicit  ac  liberat.  Facere  iudicium  Dei  hoc  loco  nihil  aliud  est  quam  vitam  formare  ad  legis  rectitudinem.  Nomen  IQEWO  varie  accipitur  in  scripturis:  aliquando  et  saepe  ad  poenas  transfertur,  quas  Deus  exigit  de  reprobis.  Sed  saepe  pro  aequitate  ponitur,  vel  legitima  vivendi  regula.  Ergo  facere  iudicium  nihil  aliud  est