42:32  sequemment  de  Iesus  Christ,  qui  en  est  le  chef,  voila  donc  qu'elle  est  la  facon  de  gouverner  l'Eglise.  Or  maintenant  s'il  y  en  ha  qui  se  separent  de  la  predication,  s'il  y  en  ha  qui  veulent  faire  une  Eglise  a  part,  s'il  y  en  ha  qui  s'excommunient  de  la  Cene  de  nostre  Seigneur,  qui  mesprisent  tout  cet  ordre  que  Iesus  Christ  ha  institue,  comment  les  appelerons-  nous?  Or  il  est  vray  qu'ils  voudront  bien  estre  reputes  gens  de  bien,  apostats,  apostats,  blasphemateurs,  et  contempteurs  de  Dieu,  et  qui  est-ce  qui  l'ha  dit?  C'est  l'ange,  et  qu'ils  aillent  plaider  a  l'encontre  de  Dieu,  qu'ils  se  disent  tant  qu'ils  voudront  gens  de  bien,  qu'ils  murmurent  comme  ils  ont  accoustume,  et  comment  on  crie  tant  a  l'encontre  de  nous,  on  nous  appele  meschans!  Et  alles  parler  a  Dieu,  regardes  comment  il  vous  intitule  apostats,  meschans,  transgresseurs,  qui  ne  demandes  qu'a  ruiner  l'Eglise  de  Dieu.  Ainsi  donc  aprenons  d'avoir  telles  canailles  en  horreur,  qu'ils  soient  comme  marques  et  flestris  au  front,  qu'on  connoisse  quels  ils  sont,  a  fin  qu'on  se  separe,  et  qu'on  se  garde  bien  d'approcher  d'eux,  de  peur  d'estre  infectes  de  leur  puantise,  sachans  qu'ils  sont  pires  que  pestes  mortelles,  voila  donc  ce  que  nous  avons  a  noter  de  ce  passage,  et  ainsi  nous  voions  que  ce  n'est  point  en  vain  que  l'ange  ha  ainsi  declare  les  choses  a  venir,  que  ce  ne  sont  point  des  speculations  qui  n'aient  nul  usage,  mais  qu'il  nous  donne  une  confirmation  a  ce  que  les  fideles  soient  munis  contre  une  telle  tentation,  a  scavoir,  que  s'il  y  en  ha  qui  se  separent  de  l'Eglise  sous  quelque  belle  couleur  et  couverture,  qu'ils  gardent  bien  de  les  suivre,  mais  qu'ils  se  tiennent  a  la  pure  doctrine,  comme  ils  l'auront  receue  de  Dieu.  Or  ii  est  dit  puis  apres,  que  le  roy  Antiochus  viendra  au  noble  pays,  et  qu'il  sera  consomme  en  sa  main.  Le  prophete  est  ici  adverti  par  l'ange,  des  afflictions  qui  estoient  preparees  au  pays  de  Iudee,  car  c'estoit  le  pays  desirable,  ce  pays  que  Dieu  avoit  anobli  par  dessus  tous  les  autres.  Or  cette  terre  la  estoit  choisie  pour  l'heritage  de  son  peuple,  et  il  Fappeloit  aussi  terre  saincte,  pource  qu'il  residoit  au  milieu,  il  est  vray  que  le  pays  estoit  bien  noble,  a  cause  de  sa  gresse  et  fertilite,  que  c'estoit  un  pays  beau  par  excellence,  mais  quand  l'escriture  saincte  dit,  que  c'est  une  terre  desirable,  et  noble,  elle  regarde  plus  loing  et  plus  haut,  c'est  a  scavoir,  a  cette  consecration  que  Dieu  y  avoit  mise,  d'autant  que  le  temple  estoit  la,  d'autant  que  les  idolatries  n'y  regnoient  point,  d'autant  que  cette  terre  la  estoit  sans  estre  poluee  des  superstitions,  ausquelles  tout  le  monde  estoit  lors  adonne  :  voila  pourquoy  elle  est  nommee  terre  desirable.  Or  ceci  vous  appartient,  et  combien  qu'auiourd'huy  ii  n'y  ait  pas  quelque  region  certaine  qui  soit  mar*  quee,  pour  dire,  voila  ou  Dieu  voudra  regner,  neant-