39:32  stitionis  peccasse  Iudaeos,  quod  scilicet  vallis  filii  Hinnom  esset  illis  loco  templi.  Vetuerat  Deus  in  lege  sibi  passim  offerri  sacrificia.  Non  sic  facies  Deo  tuo,  sed  venies  ad  locum,  ubi  posuerit  memoriam  nominis  sui.  Quum  ergo  diserte  testatus  esset  Deus  sibi  non  esse  grata  sacrificia  nisi  uno  in  templo,  et  in  uno  altari,  hic  ostendit  cultum  legalem  fuisse  a  Iudaeis  corruptum,  quia  scilicet  traduxerint  filios  suos  et  filias  per  ignem  in  honorem  Moloch.  Et  tamen  priore  loco  nominat  Baal  :  unde  apparet,  quemadmodum  heri  diximus,  sub  voce  Baal  comprehendi  omnia  idola.  Neque  enim  dubium  est  quin  Iudaei  dum  colebant  suos  Baalim,  semper  voluerint  manere  uni  Deo  summum  imperium:  sed  interea  fingebant  sibi  patronos:  et  hinc  deorum  multitudo.  Sed  nomen  Moloch  speciale  est,  quemadmodum  satis  potest  colligi  ex  pluribus  scripturae  locis.  Tenemus  nunc  consilium  prophetae,  quod  scilicet  Iudaei  non  fuerint  contenti  una  specie  idololatriae,  sed  erexerint  sibi  excelsa  vel  altaria.  Quidam  enim  ita  exponunt  niD3.  HDD  significat  excelsum  et  ubique  accipitur  pro  lucis,  quos  vocant,  hoc  est  proceris  arboribus.  Et  quia  hic  fit  vallis  mentio,  existimant  quidam  non  quadrare  illud  nomen  excelsorum:  ideo  accipiunt  pro  altaribus.  Quantum  ad  summam  rei  pertinet,  non  dubium  est  quin  Deus  hic  damnet  Iudaeos,  quod  ausi  fuerint  alienum  cultum  erigere  in  valle  Hinnom,  quum  tamen  lex  diserte  id  vetaret.  Quemadmodum  dixi,  relativum  ittfN  potest  referri  tam  ad  altaria  quam  ad  Baal.  Sed  videtur  mihi  aptior  fore  sensus,  si  dicamus  Baal  ipsum,  hoc  est,  idolum  fuisse  in  valle  Hinnom.  De  traiectu  qui  solebat  fieri  per  ignem  alibi  diximus.  Erat  species  lustrationis.  Neque  tamen  dubium  est  quin  alii  excesserint  communem  modum,  qui  scilicet  volebant  excellere  eximio  fervore  zeli.  Nam  filios  et  filias  suas  comburebant,  quod  fuit  immane  facinus.  Sed  putabant  tamen  hoc  obsequium  gratum  esse  Deo.  Alii  levius  defuncti  sunt  sua  superstitione,  quia  satis  erat  per  ignem  filios  traiicere,  idque  in  symbolum  purgationis,  quemadmodum  et  profanae  gentes  solebant  se  lustrare.  Loquitur  autem  de  filiis  et  filiabus  propheta,  ut  ostendat  tantam  fuisse  intemperiem  in  Iudaeis,  ut  non  tantum  se  coram  idolis  prostituerent,  sed  posteros  etiam  contaminarent  illis  inquinamentis.  Tandem  subiicit  sc  nihil  tale  mandasse,  neque  id  unquam  sibi  venisse  in  mentem.  Diximus  alibi,  quoties  occurrit  haec  loquutio,  Deum  ansam  praecidere  omnibus  obiectis,  quia  superstitiosi  semper  habent  quod  obtendant  ubi  vocantur  ad  iudicium.  Scimus  papistas  quum  obtrudunt  nomen  bonae  intentionis  secure  gloriari  adversus  Deum.  Et  putant  hoc  unum  sufficere,  ut  procul  a  se  reiiciant  omnes  obiurgationes:  et  putant  servos  Dei  ac  prophetas  nimis  esse  morosos  ubi  non  satisfacit  illis