33:32  excusez:  et  si  puis  apres  ils  se  corrompent,  s'ils  hurlent  entre  les  loups  (comme  on  dit)  que  c'est  tout-un,  et  que  Dieu  leur  pardonnera.  Au  contraire,  voici  Iob  qui  est  appele  homme  craignant  Dieu.  En  quel  pays?  ce  n'est  pas  en  Iudee,  ce  n'est  pas  en  la  ville  de  Ierusalem,  ce  n'est  pas  au  temple:  mais  c'est  en  un  lieu  pollu,  au  milieu  de  ceux  qui  estoyent  du  tout  pervertis.  Estant  donc  entre  telles  gens,  si  est-ce  qu'il  s'est  conserve,  et  a  vescu  tellement,  qu'il  a  chemine  purement  avec  ses  prochains,  combien  que  tout  fust  alors  plein  de  cruautez,  d'outrages,  de  pilleries,  et  de  choses  sem��  blables.  Notons  que  cela  nous  retournera  a  tant  plus  grande  vergongne,  si  de  nostre  coste  nous  ne  regardons  a  nous  conserver  purement  au  service  de  Dieu,  et  de  nos  prochains,  quand  il  nous  en  donne  une  telle  occasion  comme  nous  avons,  c'est  a  savoir  que  iournellement  la  parole  de  Dieu  nous  est  preschee,  que  nous  sommes  enhortez,  qu'il  nous  redresse  quand  nous  avons  failli.  Il  faut  bien  donc  que  nous  soyons  attentifs  a  ce  qui  nous  est  ici  monstre.  Or  pour  conclusion  notons  bien  ce  qui  est  ici  adiouste  au  texte,  QuHl  s'est  retire  du  mal.  Oar  voici  comme  Iob  a  surmonte  toutes  les  difficultez,  et  combats  qui  l'eussent  empesche  de  servir  a  Dieu,  et  de  vivre  droitement  avec  les  hommes,  c'est  pource  qu'il  s'est  recueilly  a  soy,  qu'il  a  bien  cognu  que  s'il  se  fust  donne  licence  de  faire  comme  les  autres,  qu'il  eust  este  un  homme  du  tout  adonne  a  vices,  qu'il  eust  este  ennemi  de  Dieu,  Iob  donc  n'a  point  ainsi  chemine  en  la  crainte  de  Dieu,  en  telle  rondeur  et  integrite  sans  beaucoup  de  combats,  sans  que  le  diable  ait  machine  de  le  pervertir,  et  le  mener  aux  corruptions  de  tout  le  monde  :  mais  il  s'est  retire  du  mal,  c'est  a  dire,  il  s'est  retenu.  Que  faut-ii  donc  que  nous  facions?  encores  que  nous  soyons  en  l'Eglise  de  Dieu,  si  est-ce  que  nous  verrons  beaucoup  de  maux:  et  (quoy  qu'il  en  soit)  iamais,  il  n'y  aura  telle  rondeur  ni  purete,  que  nous  ne  soyons  meslez  parmi  beaucoup  de  contempteurs,  de  gens  desbauchez,  qui  seront  tisons  d'enfer,  pestes  mortelles  pour  tout  insecter.  Il  faut  donc  que  nous  soyons  sur  nos  gardes,  veu  qu'il  y  a  de  grands  scandales,  et  dissolutions,  par  lesquelles  nous  serions  incontinent  desbauchez.  Que  faut-il  donc?  retirons  nous  du  mal:  c'est  a  dire  bataillons  contre  tels  assauts  a  l'exemple  de  Iob:  et  quand  nous  verrons  beaucoup  de  vices,  et  de  corruptions  regner  au  monde,  encores  qu'il  nous  faille  estre  meslez  parmi,  que  neantmoins  nous  n'en  soyons  point  pollus  et  que  nous  ne  disions  point  comme  de  coustume,  qu'il  nous  faut  hurler  entre  les  loups:  mais  plustost  que  nous  ad  visions  a  l'exemple  de  Iob  de  nous  retirer  du  mal,  et  de  nous  en  retirer  en  telle  sorte  que  Satan  ne  puisse  nous  y  faire