32:32  populi  sui  regimen  mandavit:  sed  quia  aliter  in  populo  illo  quam  generali  providentia  in  reliquo  mundo,  pastoris  officium  obiret.  (Hodie  si  vocem  eius.)  Secundum  Hebraeos  conditio  haec  opponitur  ad  proximam  sententiam:  ac  si  denuntiaret  propheta  non  aliter  mansurum  esse  populum  in  possessione  suae  dignitatis  ac  privilegii,  nisi  in  Dei  obedientia  perstaret.  Graecus  interpres  cum  sequenti  versu  contexit,  Ne  obduretis  corda  vestra:  quae  sententia  optime  cohaeret.  Si  tamen  placet  distinctio  quam  ponunt  Hebraei,  voluit  exprimere  propheta,  filios  Abrahae  ideo  esse  gregem  manus  Dei,  quia  Deus  legem  suam,  quasi  pedum,  in  medio  eius  erexerat,  quo  se  pastorem  ostenderet.  Ita  particula  Q}$  non  erit  proprie  conditionalis,  sed  expositiva.  Vel  pro  temporis  adverbio  sumetur:  ac  si  dictum  esset,  hanc  esse  discretionis  notam  inter  gentes  et  Iudaeos,  quia  Deus  ad  hos  vocem  suam  direxerat:  sicut  alibi  dicitur,  non  ita  fecisse  reliquis  nationibus,  Psal.  147,  20.  Dixerat  autem  prius  Moses,  Deut.  4,  6.  7:  Haec  est  nobilitas  vestra  coram  populis,  quae  enim  est  natio  sub  coelo,  quae  deos  habeat  ita  appropinquantes  sibi?  Solent  autem  multa  prophetae  a  Mose  mutuari,  ut  satis  notum  est:  ac  emphatice  demonstrat  Propheta  in  adverbio  hodie,  Iudaeos  esse  Dei  populum,  quum  audiant  eius  vocem:  quia  non  procul  quaerendum  sit  testimonium,  sed  in  re  praesenti  appareat  et  sub  oculis  versetur.  Iubet  ergo  in  eo  pastorem  agnoscere,  quod  vocem  eius  audiant,  quia  singulari  gratia  factum  est  ut  eos  familiariter  alloqui  dignatus  sit  Quod  alii  vertunt,  Utinam,  et  volunt  esse,  adverbium  hortantis,  vereor  ne  sit  coactum.  Illud  vero  alterum  concinne  fluit,  quando  vox  Dei  assidue  in  auribus  personat,  nec  semel  tantum  patribus  ostendit  pastoralis  curae,  vel  quotannis  memoriale  aliquod  duntaxat  praebet,  sed  continuat  hoc  munus,  satis  clare  patefieri  electos  esse  Iudaeos  in  gregem.  8.  Ne  obduretis  cor  vestrum  sicut  in  Meriba,  secundum  diem  Massa  in  deserto,  9.  Quando  tentaverunt  me  patres  vestri,  probaverunt  me,  quum  tamen  vidissent  opus  meum.  10.  Quadraginta  annos  litigavi  cum  generatione  hac,  et  dixi:  Populus  sunt  errans  corde:  et  ipsi  non  cognoverunt  vias  meas.  ll.  Quare  iuravi  in  ira  mea,  Si  introibunt  in  requiem  meam.  8.  (Ne  obduretis.)  Quia  durae  cervicis  erant,  et  difficiles  ad  obsequium,  postquam  Dei  gratiam  extulit  ac  celebravit  in  officio  pastoris,  ita  vicissim  admonet  ut  docilitate  et  placida  mansuetudine  se  gregem  ovium  eius  esse  probent,  ac  quo  melius  tangantur.  Patrum  contumaciam  illis  exprobrat.  Quanquam  autem  nomen  HIIHU  appellativum  esse  potest,  ut  sit  rixa  vel  contentio:  quia  tamen  non  dubium  est  quin  ad  historiam  respiciat  propheta