31:32  tude,  ou  d'une  malignite,  qu'il  n'y  a  mensonge  si  estrange,  voire  mesme  monstrueux,  qu'ils  ne  le  recoyvent  si  on  leur  en  parle.  D'autres  taschent  de  renverser  l'eternelle  Predestination  de  Dieu,  par  laquelle  il  discerne  entre  les  reprouvez  et  les  eleus  :  les  autres  veulent  maintenir  le  liberal  arbitre.  Incontinent  aux  resveries  de  ceux-la  plusieurs  se  iettent,  non  pas  tant  par  ignorance,  que  par  une  affection  ie  ne  scay  quelle  de  complaire.  Et  si  c'estoyent  les  ennemis  manifestes  qui  me  feissent  ces  fascheries,  la  chose  seroit  aucunement  supportable:  mais  que  ceux  qui  se  cachent  couverts  du  titre  de  freres,  et  non  seulement  mangent  le  sainct  pain  de  Christ,  mais  mesme  l'administrent  aux  autres:  brief,  qui  a  plene  bouche  se  glorifient  d'estre  prescheurs  de  l'Evangile,  me  facent  la  guerre  si  mal-heureusement,  quelle  horreur  est-ce?  Et  a  ce  propos  ie  puis  bien  a  bon  droict  mo  plaindre  a  l'exemple  de  David:  L'homme  de  ma  paix,  et  qui  mangeoit  le  pain  avec  moy,  a  leve  le  talon  contre  moy.  Item:  Mon  ami  familier  et  mon  compagnon,  qui  marchoit  vers  le  Temple  de  Dieu  avec  moy,  auquel  ie  prenoye  plaisir  de  communiquer  mon  secret,  m'a  poursuyvi  d'iniures  en  ennemi.  Les  autres  sement  des  bruits  et  font  courir  propos  frivoles  de  mes  thresors:  les  autres  d'une  trop  grande  authorite  et  puissance  infinie  qu'ils  disent  que  i'ay  :  les  autres  parlent  de  mes  delices  et  magnificence.  Voire,  mais  quand  un  homme  se  contente  d'un  petit  ordinaire  et  d'habillemens  communs,  et  ne  requiert  point  plus  de  frugalite  des  plus  petis  qu'il  ne  monstre  et  prattique  luy-mesme,  dira-on  qu'un  tel  soit  trop  somptueux  et  face  du  brave?  Quant  a  la  grandeur  et  puissance  de  laquelle  ils  me  portent  envie,  ie  voudroye  bien  m'en  decharger  sur  eux  :  car  ils  estiment  un  royaume  la  multitude  d'affaires  et  le  pesant  fardeau  de  travaux  qu'il  me  faut  porter.  Et  s'il  y  en  a  a  qui  ie  ne  puisse  persuader  de  mon  vivant  que  ie  ne  soye  riche  et  pecunieux,  ma  mort  le  monstrera  finalement.  Certes  d'autant  que  ie  n'appete  rien  plus  que  ce  que  i'ay,  ie  confesse  bien  n'estre  pas  povre.  Or  combien  qu'il  n'y  ait  aucune  couleur  en  tous  ces  propos  controuvez,  il  se  trouve  tousiours  neantmoins  beaucoup  de  gens  qui  sont  bien  aises  d'en  estre  abbruvez,  et  y  applaudissent:  et  la  raison  est,  que  la  plus  grand'  part  estime  que  le  seul  remede  pour  couvrir  ses  meschancetez,  est  de  brouiller  tout,  et  mesler  le  blanc  parmi  le  noir:  et  leur  semble  bien  que  c'est  le  souverain  moyen  et  le  plus  court  pour  vivre  en  toute  licence  et  impunite,  que  l'authorite  des  serviteurs  de  Christ  viene  a.  decheoir.  Outre  tous  ceux-la  il  y  a  aussi  les  gaudisseurs  de  table  desquels  David  se  complaind  :  et  ie  n'enten  pas  seulement  les  frians  qui  cherchent  quelque  lippee  pour  farcir  leur  ventre,  mais  tous  ceux  qui  par  faux  rapports  cherchent  de  complaire  aux  grans.