3:32  perversité  est-ce  de  charger  la  parolle  de  Dieu  de  la  haine  ou  des  seditions  qu'esmeuvent  à  l’encontre  d'icelle1)  les  fols  et  escervelez,  ou  des  sectes  que  sement  les  abuseurs?  Toutesfois  ce  n'est  pas  nouvel  exemple.  On  demandoit  à  Helie,  s'il  n'estoit  pas  celuy  qui  troubloit  Israel  (1  Rois  18,  17).  Christ  estoit  estimé  seditieux  des  Iuifs  (Luc.  23,  5).  On  accusoit  les  Apostres,  comme  s'ils  eussent  esmeu  le  populaire  à  tumulte2)  (Actes  24,  5).  Que  font  auiourdhuy  autre  chose  ceux  qui  nous  imputent  les  troubles,  tumultes  et  contentions  qui  s'eslevent  encontre  nous?  Or  Helie  nous  a  enseigné  quelle  response  il  leur  faut  rendre:  c'est  que  ce  ne  sommes-nous  pas  qui  semons  les  erreurs,  ou  esmouvons  les  troubles:  mais  eux  mesmes,  qui  veulent  resister  à  la  vertu  de  Dieu  (1  Rois  18,  18).  Or3)  comme  ceste  seule  raison  est  suffisante  pour  rabatre  leur  temerité,  aussi  d'autre  part  il  est  mestier  d'obvier  à  l’infirmité  d'aucuns,  ausquels  souventesfois  il  advient  d'estre  estonnez  par  tels  scandales,  et  en  leur  estonnement  de  vaciller.  Iceux  donc,  afin  qu'ils  n'ayent  matiere  de  se  desconforter  et  perdre  courage,  doivent  penser  que  les  mesmes  choses  que  nous  voyons  maintenant,  sont  advenues  aux  Apostres  en4)  leur  temps.  Il  y  en  avoit  lors  des  ignorans  et  inconstans,  lesquels,  comme  sainct  Pierre  recite,  corrompoyent,  à  leur  perdition,  ce  qui  estoit  divinement  escrit  par  sainct  Paul  (2  Pierre  3,  16).  Il  y  avoit  des  contempteurs  de  Dieu,  lesquels  quand  ils  oyoyent  que  le  peché  avoit  abondé  afin  que  la  grace  abondast  davantage,  incontinent  ils  obiectoyent,  Nous  demourerons  donc  en  peché,  afin  que  la  grace  abonde.  Quand  ils  oyoyent  que  les  fideles  n'estoyent  point  sous  la  Loy:  ils  respondoyent,  Nous  pecherons,  puis  que  nous  ne  sommes  point  sous  la  Loy,  mais  sous  la  grace  (Rom.  6,  1.  15).  Il  y  en  avoit  qui  l'appelloyent,  Hortateur  à  mal  (Rom.  3,  8).  Des  faux  prophetes  s'ingeroyent,  pour  destruire  les  Eglises  qu'il  avoit  edifiées  (2  Cor.  11,  13)  aucuns  preschoyent  l'Evangile  par  haine  et  conten-