28:32  tant  si  on  accouple  un  asne  avec  un  boeuf,  il  y  aura  telle  diversite,  que  le  boeuf  sera  tourmente  plus  que  s'il  estoit  avec  son  pareil:  et  Fasne  semblablement.  Et  pourquoy?  Les  natures  ne  respondent  point  ensemble.  Or  combien  que  Dieu  ne  face  point  de  loix  semblables  pour  toutes  bestes,  si  est-ce  (comme  nous  avons  veu  par  ci  devant)  qu'il  veut  que  les  hommes  s'exercent  en  humanite  iusques  la,  qu'ils  ayent  pitie  des  bestes  que  ils  employent  a  leur  service.  Oar  celuy  qui  sera  cruel  envers  son  cheval,  ou  son  boeuf,  il  sera  tel  envers  son  prochain:  et  les  hommes  s'endurcissent,  quand  ils  traittent  cruellement  les  bestes  que  Dieu  leur  a  mises  entre  mains,  et  qui  sont  pour  les  servir.  Que  s'ils  monstrent  leur  cruaute  envers  les  povres  bestes  qui  travaillent  pour  leur  profit,  c'est  signe  qu'ils  sont  d'une  nature  perverse,  et  qu'ils  n'auroyent  non  plus  pitie  des  creatures  humaines.  Or  donc  voila  le  regard  que  Dieu  a  eu  en  ceste  Loy.  Et  puis  (comme  desia  i'ay  touche)  la  terre  ne  pourra  point  estre  si  bien  labouree,  quand  les  bestes  n'auront  point  leurs  pareils,  et  qu'il  n'y  aura  point  une  proportion  egale,  le  labeur  ne  s'en  fera  iamais  si  loyaument.  Mais  il  faut  tousiours  revenir  a  ce  que  nous  avons  touche,  que  Dieu  n'a  point  voulu  que  son  peuple  s'adonnast  a  beaucoup  d'inventions  subtiles:  comme  nous  voyons  que  les  hommes  tendent  tousiours  la,  et  y  sont  trop  enclins.  En  defendant  tout  meslinge,  il  a  monstre  que  nous  devons  tousiours  nous  ranger  la:  c'est  que  puis  que  Dieu  a  ordonne  a  nostre  usage  et  commodite  toutes  choses  de  ce  monde,  que  nous  advisions  d'y  tenir  telle  mesure,  qu'il  ne  se  face  point  de  confusion:  et  que  quand  nous  employerons  a  nostre  usage  les  creatures  de  Dieu,  que  nous  ne  meslions  point  le  ciel  et  la  terre,  et  que  toutes  choses  ne  soyent  point  brouillees  entre  nous.  Et  de  faict,  ce  qu'il  dit:  Vous  garderez  mes  statuts:  c'est  pour  monstrer  qu'il  veut  reprimer  toute  licence  en  nous.  Combien  qu'il  y  ait  eu  une  astriction  au  peuple  des  Iuifs  plus  estroite  qu'elle  n'est  auiourd'huy,  si  estce  que  tousiours  ceste  doctrine  nous  est  cominune,  comme  il  sera  encores  declaire  ici  plus  a  plein.  Venons  a  la  troisiesme  loy  qui  est  ici  contenue.  Dieu  defend  que  Ies  Iuifs  ne  se  vestent  point  de  robes  tissues  de  laine  et  de  fil  Or  ici  nous  voyons  encores  mieux  ce  que  nous  avons  touche,  c'est  assavoir  que  nous  devons  garder  quelque  ordre,  et  nous  contenter  de  la  simplicite  que  Dieu  approuve:  tellement  que  nous  ne  prenions  point  trop  grande  licence  de  confondre  les  choses:  mais  que  nous  regardions  a  quelle  fin  le  tout  est  ordonne.  Voila  le  Ho,  le  chanvre,  et  toutes  choses  semblables:  et  bien,  on  s'en  doit  servir  a  tel  usage.  Apres,  la  laine  est  pour  faire  du  drap,  et  ceci  et  cela.  Quand  les  hommes  suyvront  une  telle  so-