27:32  griefves.  C'estoit  desia  beaucoup,  que  ce  peuple  ait  este  receu  a��  merci,  tellement  qu'il  ne  fust  point  prive  de  l'heritage  que  Dieu  luy  avoit  promis.  Maintenant  Moyse  adiouste  ici  un  autre  regard  qui  est  encores  pour  mieux  faire  cognoistre  la  grande  bonte,  et  infinie  de  Dieu,  et  luy  donner  plus  grand  lustre:  c'est  qu'il  n'a  point  seulement  pardonne  a  ce  peuple  les  fautes  qu'il  avoit  commises:  mais  ii  l'a  receu  a  une  condition  tant  douce,  et  tant  humaine,  que  c'est  pour  ravir  en  estonnement  tous  ceux  qui  y  pensent.  Si  une  ville,  ou  un  pays  s'estoit  revolte  de  son  prince,  qu'elle  luy  eust  fausse  la  foy,  encore  que  le  prince  ne  vueille  point  user  de  rigueur  extreme:  si  est-ce,  qu'en  donnant  la  vie  a  ses  suiets,  ne  mettant  point  tout  au  feu,  et  a.  l'espee,  il  leur  ostera  tous  leurs  privileges,  il  leur  mettra  sus  des  imposts,  et  des  tailles,  il  les  privera  de  leurs  libertez  anciennes,  tellement  qu'un  povre  peuple  gemira  sous  le  fardeau,  et  luy  devra  bien  souvenir  de  la  faute  qu'il  aura  commise  cent  ans  apres.  Or  Moyse  remonstre  que  Dieu  n'a  point  ainsi  fait  aux  Iuifs:  car  apres  leur  avoir  pardonne  l'offense  qu'ils  avoyent  commise,  il  les  a  traittez  comme  si  iamais  n'eussent  failli,  leur  condition  a  este  aussi  douce  et  amiable,  que  s'ils  eussent  tousiours  obey  comme  il  appartenoit.  Voila  donc  maintenant  l'intention  de  Moyse.  Il  a  recite  ci  dessus  comme  il  avoit  este  exauce:  il  adiouste  maintenant:  Et  qu'est-ce  que  le  Seigneur  demande  de  toy?  Il  ne  te  charge  point  ici  d'amendes,  ne  de  punitions,  il  ne  te  veut  point  mettre  un  fardeau  pour  t'accabler:  mais  il  veut  que  tu  Paimes,  que  tu  luy  portes  honneur,  que  tu  gardes  ses  commandemens.  Est-ce  pour  son  profit?  Non:  le  tout  revient  a  ton  salut.  N'est-ce  pas  pour  faire  crever  le  coeur  a  ce  peuple,  quand  il  seroit  le  plus  meschant  du  monde?  de  dire:  Le  Seigneur  non  seulement  nous  a  pardonne  un  crime  tant  enorme,  que  nous  l'avions  quitte,  nous  avions  rompu  l'alliance  qu'il  avoit  faite  avee  nous,  nous  avions  choisi  une  idole  en  son  lieu:  or  il  ne  s'est  point  contente  de  nous  avoir  receus  encores  pour  ses  enfans,  et  nous  avoir  laisse  l'heritage  qu'il  nous  avoit  promis:  il  nous  gouverne  d'une  telle  facon  qu'il  semble  que  nous  ayons  desservi  tous  les  biens  du  monde.  Si  iamais  nous  n'eussions  fait  que  l'honorer,  nous  adonnans  pleinement  a  luy:  sauroit-il  nous  traitter  plus  humainement  qu'il  fait?  Ceste  consideration  donc  devoit  bien  amollir  les  coeurs  du  peuple:  encores  qu'ils  fussent  durs,  et  rebelles,  si  devoyent-ils  bien  plier,  cognoissans  que  Dieu  ne  cerchoit  que  leur  bien  et  leur  profit.  Maintenant  donc  nous  voyons  l'intention  de  Moyse,  et  a  quelle  circonstance  on  doit  rapporter  ce  qu'il  dit.  C'est  que  le  peuple  cognoisse,  que  non  seulement  Dieu  luy  a  pardonne  la  faute  commise,  mais  que  pour