21:32  32  Stordeur  du  liege,  lequel  estant  decede  de  peste  a  Strasbourg  quelque  temps  apres  [fol.  5]  il  print  sa  vefve  a  femme  nommee  Idellette  de  Bure,  femme  grave  et  honneste,  avec  laquelle  il  a  depuis  paisiblement  vescu  iusques  a  ce  que  nostre  Seigneur  la  retira  a  soy  l'an  1548*  sans  avoir  eu  aucuns  enfans.  En  ce  mesme  temps  furent  tenues  en  Allemagne  quelques  iournees  Imperiales  sur  le  faict  de  la  religion,  a  Wormes  et  a  Ratisbone,  esquelles  Calvin  fut  esleu  des  premiers  par  l'advis  de  tous  les  Theologiens  Allemans,  ou  il  se  porta  tellement  que  sa  renommee  se  fit  grande  parmi  les  adversaires  [page  24]  mesmes,  et  Philippes  Melancthon  entre  autres  le  print  des  lors  en  singuliere  amitie  qui  a  tousiours  dure  depuis,  et  des  lors  l'appeloit  ordinairement  Le  Theologien  par  un  singulier  honneur.  Cependant  le  Seigneur  exercoit  ses  iugemens  a  Geneve,  punissant  expressement  ceux  lesquels  estans  en  estat  de  Syndique  1538  avoyent  este  cause  de  dechasser  Calvin  et  Farel,  tellement  que  l'un  d'iceux  estant  coulpable  d'une  sedition  et  se  voulant  sauver  par  une  senestre  se  creva  soy-mesmes,  un  autre  ayant  commis  un  meurtre  fut  decapite  par  iustice,  les  deux  autres  convaincus  de  certaine  desloyaute  contre  l'estat  de  la  ville,  s'enfuirent  et  furent  condamnez  en  leur  absence.  Cest  escume  estant  vuidee  de  la  ville  Calvin  commenca  d'etre  regrette  et  fut  redemande  par  plusieurs  ambassades  de  Geneve  et  par  l'intercession  des  Seigneurs  de  Zurich  aux  Seigneurs  de  Strasbourg  qui  en  firent  difficulte.  Calvin  d'autre  part  voyant  le  fruict  qu'il  faisoit  a  Strasbourg  n'y  vouloit  nullement  consentir,  combien  que  pour  tesmoigner  l'affection  qu'il  portoit  a  la  ville,  des  l'an  1539,  un  an  apres  son  bannissement  il  avoit  maintenu  la  cause  d'icelle,  ou  plustost  de  la  verite  de  Dieu,  contre  le  Cardinal  Sadolet  par  une  longue  [page  25]  et  docte  epistre  qui  se  trouve  imprimee  parmi  ses  oeuvres.  En  fin  il  falut  venir  iusques  aux  menaces  du  iugement  de  Dieu  s'il  n'obeissoit  a  ceste  vocation,  de  sorte  qu'au  grand  regret  desdits  Seigneurs  de  Strasbourg,  et  surtout  de  M.  Bucer  et  de  ses  autres  compagnons,  il  fut  accorde  a  Geneve  pour  quelque  temps.  Mais  y  estant  arrive  et  receu  de  singuliere  affection  par  ce  povre  peuple  recognoissant  sa  faute  et  affame  d'ouir  son  fidele  Pasteur,  y  fut  retenu  pour  tousiours.  A  quoy  s'accorderent  en  fin  lesdits  Seigneurs  de  Strasbourg,  a  la  charge  toutesfois  qu'ils  le  tenoyent  tousiours  pour  leur  bourgeois.  Ils  vouloyent  aussi  qu'il  retinst  le  revenu  d'une  prebende  qu'ils  luy  avoyent  assignee  pour  ses  gages  de  Professeur.  Mais  comme  il  estoit  un  homme  du  tout  eslongne  de  cupidite  des  biens  de  ce  monde  iamais  ils  ne  peurent  tant  faire  qu'il  en  retint  la  valeur  d'un  denier.  Par  ainsi  il  fut  restabli  derechef  a  Geneve  l'an  1541  le  13  de  Septembre,  la  ou  incontinent  il  dressa