19:32  si  bien  travailler  et  nuict  et  iour  que  moyennant  la  grace  de  Dieu,  avec  un  peu  de  iugement  quil  m'a  donne,  j'espere  dis-ie  a  ladvenir  si  bien  me  conduire  en  la  lecture  des  bons  et  purs  docteurs  que  je  seray  aulcunement  apte  et  idoine  (je  dis  selon  les  hommes)  de  m'acquitter  de  ma  charge.  Et  je  vous  prie,  Monsieur,  ne  pensez  pas  que  je  vous  demande  cecy  pour  me  reposer,  croyes  moy,  s'il  vous  plaist,  c'est  pour  plus  travailler  en  la  vigne  du  Seigneur  que  iamais.  Estudier  en  ce  que  dessus  et  exercer  le  ministere  ii  est  impossible.  Car  en  quelque  lieu  que  j'aye  este  iusques  a  present  ou  j'ay  tousiours  gens  qui  vont  et  viennent  chez  moy,  ou  il  fault  estre  par  ville  aux  conseils,  aux  consistoires,  a  catechiser  tantost  l'un  tantost  laultre.  Pais  regardez  aux  presches  qu'il  me  convient  faire.  Ie  me  retireroie  volontiers  par  dela,  mais  ie  crain  que  vous  ne  m'y  laissiez  point.  Apres  ce  colloque  je  me  retirerai  Dieu  aidant  a  Orleans,  ou  est  ma  famille,  la  aisement  pourray  emploier  le  temps  que  ie  requiers  pour  la  liberte  qui  y  est  et  pour  ce  qu'il  y  a  des  professeurs  en  toutes  les  deux  langues.  Quant  aux  freres  de  Tholose  ils  m'importunerent  nagueres  de  retourner,  mais  attendu  que  par  toutes  les  villes  de  son  ressort  ont  este  faictes  informations  de  mes  presches  publiques  et  privez  qui  sont  au  parlement,  ioinct  que  les  prisonniers  qui  n'agueres  estoient  entre  les  mains  des  Capitols  m'ont  touts  defere,  je  suis  cogneu  quasi  de  touts  les  habitans  de  ladicte  ville.  Le  parlement  scait  comment  je  me  suis  saulve  a  Orleans.3)  Plusieurs  malings  senateurs  et  aultres  m'ont  marque  en  ceste  court  et  a  Orleans.  Qui  faict  quil  n'est  possible  d'y  retourner  que  la  liberte  plaine  et  entiere  ny  soit.  Advisez  a  tout  cecy  et  poisez  ces  circonstances  s'il  vous  plaist  et  ne  pensez  que  ce  je  demande  par  delicatesse  ou  pour  aultre  fin  maulvaise  ains  seulement  pour  plus  amplement  desormais  servir  a  la  gloire  de  Dieu.  Messieurs  noz  freres  de  par  dela  en  pourront  donner  leur  iugement  encores  que  je  sache  bien  que  vous  seul  estes  suffisant  de  ce  faire  sans  prendre  conseil  d'ailleurs.  Qui  sera  lendroit,  Monsieur  et  pere,  auquel  apres  avoir  presente  mes  humbles  recommandations  et  a  tous  mes  bons  sieurs  et  freres  de  vostre  classe,  je  prieray  Dieu  qui  vous  garde  et  maintienne  en  sa  grace  longuement  pour  servir  a  sa  gloire.  De  Sainct  Germain  en  I/Aye  ce  8.  Octobre  1561.  Vostre  humble  filz  et  serviteur  Nicolas  Folion  dict  De  la  Valee.  3)  Probablement  en  Oct.  ou  Nov,  1560  a  Voccasion  de  Varrestation  de  Conde  (N.  3268).