16:32  liberisque  fatal  es  coenas,  urbi  incendium  minitentur  Genevenses,  arripiuntque11)  barbaras  istas  et  immanes  vulgi  voces,  in  argumentum  desperatae  obstinationis,  iusti  et  aequi  impatientis.  Quid  ex  his  suspicionibus  exoriatur  me  tacente  apparet.  Retractavi  nuper  flabella  omnia  primi  Victoriani  incendii,  sed  proh  Deum,  quam  saepe  inhorrui,  tanto  spiritu  turgebant.  Suspiciones,  exprobrationes,  odia,  dissidia,  concertationes,  proscriptiones,  lites  inde  ortas  et  excitatas  non  sine  lacrymis  evolvi.  Nunc  ubi  vereor,  ne  omnia  ista  denuo  caput  attollant,  totus  exanimor.  Itaque  te  obtestor,  Calvine  frater,  per  eum  quem  profiteris,  ut  si  quid  potes  apud  tuos,  si  quid  apud  exteros,  qui  sine  affectu  ista  intuentur,  omnem  vim  ingenii  et  autoritatis  pro  tua  virili  his  malis  opponas.  Cordatos  admone  officii  ut  magis  quid  reipublicae  conducat  quam  quid  maxime  populare  sit  cogitent.  Turbulentos  coelum  terrae  miscentes  aut  mitiga  aut  compesce.  Si  hanc  operam  inanem  esse  senseris  precibus  cum  ecclesia  insta,  ut  Dominus  conatus  tuos  adiuvet,  neque  incolumitatem  reipublicae  deserat,  vel  si  aliter  statuit  suos  e  rerum  natura  tollat,  ne  in  his  perturbationibus  angore  coniiciantur.  Spero  tamen  fore,  si  vomica  huius  mali  semel  ad  vivum  retegatur  sanisque  et  moderatis  consiliis  aliquis  locus  detur,  constare  mutuam  amicitiam  principum  posse,  alioquin  vereor  ne  alterutris,  si  non  utrisque,  ominosa  sint  Victoris  spolia  et  nomen.  Haec  quin  ad  te  scriberem  continere  me  non  potui,  ut  intelligas  me  retinere  pristinum  studium  iuvandi  rempublicam  et  restaurandi  labentem  amicitiam  civitatum.  Qua  quidem  in  re  tibi  omnem  operam  polliceor  quam  a  te  flagito,  patiarque  libenter,  et  quantum  ad  me  attinet,  impune  dissidiorum  autores  diris  devoveri,  qui  utinam  essent  pauciores  aut  nulli.  De  nominum  exactione  per  carcerem  nihil  scribo:  facile  puto  ea  de  re  decideretur,  quum  possit  bonae  fidei  debitor  solutione,  tergiversatur  urbis  12)  devitatione  carcerem  effugere,  idemque  eadem  in  re  carceris  usus  nostris  quoque  erga  vestros  statui.  Arbitri  quoque  de  medio  eligendi  tanta  difficultas  non  est  quin  superari  possit.  Restat  Victor  ille  pertinax  victori  populo  infestus,  nemini  cedens  nisi  rationi  si  se  haec  pateretur  in  aciem  produci.  Vale  et  me  ut  soles  ama,  tibique  persuade  me,  si  non  per  omnia  omnibus  obsequentem,  officii  tamen  et  integritatis  semper  fore  tenacissimum.  Saluta  fratres,  nominatim  Textorem,  cui  dicito  me  ipsius  consilio  nimis  bene  valere  ut  nunc  sunt  tempora.  Bernae  14.  Februarii  1556.  Tuus  Nicolaus  Zerchintes.  11)  accipiunt  que  5.  12)  Simlerus  scribit:  verbis  et  addit:  corrupta  haec  videntur.