13:32  mihi  fuit.10)  Hoc  scilicet  cogitant,  me  oppressum  iri  si  mecum  iure  agat  senatus.  Ego  secure  exspecto  quidnam  sint  facturi,  quanquam  miratus  sum,  quum  Bernae  esses,  nihil  te  percontatum.  1064.  VIRETUS  CALVINO.  Libri  sui  latinam  versionem  pro  tempore  aggredi  nequit  diversis  de  causis.  De  pecunia  elocanda  anceps  adhuc  haeret.  Porro  etiam  literarum  subreptarum  mentionem  facit.  (Ex  autographo  Cod.  Genev.  l  l  l  a,  fol.  171.)  Eximio  Christi  servo  Ioanni  Calvino  Genevensis  ecclesiae  pastori  fidelissimo  fratri  et  symmystae  plurimum  observando  Genevae.  S.  Brevior  ero  in  narratione  rerum  nostrarum,  quia  tabellarius  contigit  qui  nobis  vice  erit  vivae  epistolae,  cui  ea  commisi  quae  in  literis  desiderari  poterunt.  Paucis  tantum  agam  de  meo  libro,  de  quo  quid  a  me  audiverit  tabellarius  et  quid  ad  me  scripserit  minister  Orbanus  ab  eo  disces**)  Cuperem  quidem  iam  latinum  esse,  sed  in  tantis  occupationibus  non  licebit  tam  cito  tantum  vertere  opus.  Est  enim  satis  longum.  Praeterea,  quum  mihi  sit  cum  calumniatoribus  negotium,  superstitiosius  mihi  verbis  erit  inhaerendum,  et  vertendum  quasi  alienum,  non  meum.  Nam  nulla  mihi  licebit  uti  libertate,  ne  quid  inveniat  quod  arrodat  calumniator,  sed  paene  vertendum  erit  ad  verbum.  Curabo  quod  per  negotia  licebit.  Interea  si  cupit  senatus  aliorum  audire  iudicium,  satis  multos  habent  in  tota  provincia  verbi  ministros  doctos  et  pios  qui  de  eo  iudicare  possint.  Nam  nolim  nostram  theologiam  solis  eorum  ministris  subiici,  praesertim  eorum  iudicio  qui  hactenus  manifestis  se  argumentis  hostes  nostros  testati  sunt.  Velim  tamen  ipsis  quoque  lectum  et  intellectum.  Misi  unum  librum  ad  Gualfhe-  10)  Epistola  illa  fatalis  (N.  613)  Genevam  allata  vulgo  circumferebatur,  et  maxime  instigante  Trollieto  diu  et  saepius  in  senatu  excussa,  et  ipse  Noster  aliquatenus  saucius  evasit.  1064.  1)  Librum  istum  Vireto  novorum  taediorum  fontem  fuisse  iam  ex  ep.  Halleri  coniicere  potuisti  N.  1057.  De  ministro  Orbano  vide  N.  1044.