11:32  215.  FARELLUS  CALVINO.  Farraginem  novarum  rerum  politicarum  et  ecclesiasticarum  explicat,  etiam  martyrum  plurium  supplicia  enarrat.  De  illis  quae  C.  rescire  voluerat  circa  res  Genevae  gestas  ne  ygv  quidem.  (Ex  autogr.  lectu  difficillime)  Bibi.  pastorum  Neocomensium,  Epp.  Farell.  fascic.  II.  N.  2.)  Quam  carissimo  Io.  Calvino  Argentinae.  S.  Quod  cupis  praestem  his,  tam  mihi  fuit  ad  manum  quam  stellas,  ut  dicitur,  proponere.  Non  puto,  quamvis  locus  hic  saepius  destituatur  omnibus  quibus  velis  ut  amicis  te  paulo  apertiorem  facere,  excipiendo  non  prorsus  sordide,  carne  ita  destitutum  esse  ut  fuit  mihi.  Nam  neque  domi  neque  foris  potui  invenire  quod  fratribus  offerrem.  Ideo  si  minus  praestiti  quod  vel  tua  causa  cupiebam,  non  contigit  sine  animi  moerore.  Saepius  scripsi  quando  velis  me  istuc  venire,  si  confecta  sint  omnia  in  Christi  gloriam,  tuo  commodo  ac  ecclesiae  aedificatione:  cupio  ut  in  tempore  mihi  significes.  Nam  sum  iam  tardum  mobile,  nec  habeo  ad  manum  quae  statim  sunt  necessaria:  nisi  prius  prospiciam,  vix  possem  aliquid.  Si  me  praeteris  non  potes  gravius  in  me  peccare.  Non  igitur  sine  me  fiat  tua  benedictio.  Postquam  Anglus  spem  facit  maiorem,  videndum  esset  ut  suae  ditioni  consulens  Gallis  quoque  prospiceret:  si  pii  praeficerentur  ministri,  in  ea  parte  regni  quae  gallice  loquitur  et  Galliae  est  coniuncta,  hoc  fieret  commodissime.  Vereor  ne  Borbonius,  et  si  qui  sint  huius  farinae  homines,  non  multum  profecerint  apud  regem,  vel  potius  rex  cum  talibus.  Quo  fit  ut  verear  ne  per  eiusmodi  alios  iudicet.  Si  per  pios  Germanos  tandem  possit  effici  in  Galliae  aedificationem,  bene  erit:  tu  insta  pro  Christi  gloria.  Hieronymus1)  apud  Agenenses  non  procul  a  Burdegala  igni  exstinctus  fuit.  Tolosa  furit,  capti  non  pauci  in  diversis  locis  in  quibus  pius  senatus  ille,2)  adiudicati  et  exstincti  aliquot  igni.  Senatus  etiam  Gratianopolitanus  plures  vinctos  habet,  ac  praecipue  Chiranum  prius  absolutum:  rursus  nescio  an  apud  regem  procurante  raso  frater  illius,  per  quem  prius  fuerat  captus.  Audisti,  ut  opinor,  quo  modo  tandem  Michaelius  fuerit  suffocatus.  Lutetiae  detinentur  aliquot  Sedanenses,  unde  est  Iacobus,  qui  damnati  sunt  igni.  Pridem  miser  215.  1)  Hier.  Vindocin,  e  coetu  lacoUnorim.  Hist.  des  Martyrs  126.  Hist.  eccl  I  25.  2)  Deest  verbum  (iurisdictionem  exercet?).