10.1:32  ne  pour  complayre  a  homme  vivant:  mais  que  jen  useray  en  saine  conscience  pour  servir  a  sa  gloyre  et  a  lutilite  de  son  peuple  auquelt  je  suis  debteur.  1)  Je  promectz  aussy  et  jure  de  garder  les  ordonnances  ecclesiastiques  ainsin  quelles  hont  estes  passees  par  le  petit,  grand  et  general  conseil  de  ceste  cite,  et  en  ce  qui  mest  la  donne  de  charge  dadministrer  ceulx  qui  auront  failly,  men  acquictcr  loyallement,  sans  donner  lieu  nha  haine,  nha  faveur,  nha  vengeance,  nha  aultre  cupidite  charnelle,  et  en  general  de  faire  ce  qui  appartient  a  ung  bon  et  fidele  ministre.  Tiercement  je  jure  et  promectz  de  garder  et  maintenir  lhonneur  et  prouffit  de  la  seigniorie  et  de  la  cite,  mectre  poinne  en  tant  quha  moy  sera  possible  que  le  peuple  sentretienne  en  bonne  paix  et  ugnyon  soubz  le  gouvernement  de  la  seigniorie,  et  ne  consentir  nullement  a  ce  qui  contreviendroit  a  cela.  Finallement  je  promectz  et  jure  destre  subiectz  a  la  police  et  aux  status  de  la  cite,  de  monstrer  bon  exemple  dobeyssance  a  tous  les  aultres,  me  rendant  pour  ma  part  subiectz  et  obeyssance  aux  loix  et  au  magistrat  en  tant  que  mon  office  le  portera,  cest  a  dire  sans  prejudicquer  a  la  liberte  que  nous  debvons  havoier  denseigner  selon  que  dieu  nous  le  commande  et  faire  les  choses  qui  sont  de  nostre  office.  Et  amfin  je  promectz  de  servir  tellement  a  la  seigneurie  et  au  peuple,  que  par  cela  je  ne  soie  nullement  empesche  de  rendre  a  dieu  le  service  que  je  luy  doibt  en  ma  vocation.  1)  Une  autre  main  a  ajoute  encore  les  mots  suivunts;  Et  ce  tam  dans  la  cite  que  dehors,  et  tam  en  temps  de  prosperite  que  daversite,  comment  de  guerre  de  peste  ainsyn  qui  sera  advise.