7:319  319  ADVERSUS  P.  CAROLI  320  minis  praeludia  ita  cum  Vireto  egerat:  Tum  mihi  suspecta  esse  desinet  tua  fides,  quum  tribus  Symbolis  subscripseris.  Quo  scilicet  verbo  innuebat,  suspectam  se  in  praeteritum  tempus  velle  facere.  Id  porro  ne  cui  dubium  sit,  luculento  testimonio  comprobarunt,  dum  Helveticam  confessionem,  absque  mora  aut  controversia,  coram  ipso  Carolo  sunt  amplexi.  Cuius  hoc  est  quintum  caput:  De  Deo  sic  sentimus:  Unum  essentia,  trinum  personis,  ete.  Nec  aliud  refero  quam  quod  publicis  actis  curiae  Bernensis  consignatum  est.  Et  non  multo  post  tempore,  quis  esset  interior  animi  sui  sensus,  apud  ecclesiae  Bernensis  pastores  familiariter  professi  sunt,  hac  formula  ad  verbum  illis  edita:  Quoniam  voces  istas  trinitatis  et  personarum  plurimum  ecclesiae  Christi  commodare  intelligimus,  quo  et  vera  patris,  filii  et  spiritus  sancti  distinctio  clarius  exprimatur  et  contentiosis  melius  occurratur,  usque  adeo  nos  ab  his  non  abhorrere  scitote,  ut  libenter  eas  amplexemur,  sive  ex  aliis  audiendae  sive  a  nobis  usurpandac  sint.  Itaque  quod  antehac  semper-  a  nobis  factum  est,  in  posterum  quoque  nos  operam  daturos,  quoad  licebit,  recipimus,  ne  earum  usus  in  ecclesia  aboleatur.  Nam  neque  ab  iis  in  scriptis,  in  enarrationibus  scripturae,  in  concionibus  ad  populum  [pag.  54]  abstinebimus  ipsi,  et  alios  docebimus  ne  superstitiose  refugiant.  Si  quis  autem  praepostera  quadam  religione  teneatur,  quominus  libere  usurpare  ipsas  ausit,  quanquam  eiusmodi  superstitionem  nobis  non  probari  testamur,  cui  corrigendae  non  sit  defuturum  nostrum  studium,  quia  tamen  nobis  non  videtur  haec  satis  firma  causa,  cur  alioqui  vir  pius  et  in  eandem  religionem  nobis  sensu  consentiens  repudietur,  eius  imperitiam  hac  in  parte  eatenus  feremus,  ne  abiiciamus  ipsum  ab  ecclesia,  aut  tanquam  male  de  fide  sentientem  notemus.  Haec  certe  voluntaria  piorum  virorum  professio  abunde  eos  a  frivolis  Caroli  criminationibus  liberat  ut  supervacuum  sit  illis  copiosius  respondere.  Et  certe  illum  non  modo  abundare,  sed  etiam  abuti  otio  apparet,  quum  de  verbis  texit  verbosam  disputationem,  et  grammatici  larvam  ad  tempus  induit,  ut  persuadeat  Calvino  ab  his  vocibus  non  superstitiose  cavendum,  quum  probe  sciret  Calvinum  libere  illis  uti  et  semper  usum  esse,  quum  ipse  coram  vidisset  ab  eo  et  collegis  confessionem  Helveticam  approbari.  Sed  est  in  eo  scilicet  diligens  ut  primis  ultima  respondeant,  hoc  est,  ne  unquam  ridiculo  more  ineptire  desinat.  Alia  est  calumnia  quod  in  confessione  Samosateni  impium  errorem  investigat.  Samosatenus  autem  astute  ludebat  in  verbi  appellatione,  vocale  intelligens  verbum  aut  decretum  [pag.  55]  Dei  de  humano  genere  redimendo.  Iudicent  autem,  me  tacente,  lectores,  num  huic  errori  suffragetur  confessio,  quae  nominatim  patrem  et  filium  et  spiritum,