52:319  319  EPIST.  PAULI  AD  TIMOTHEUM  I  320  nantia  ad  iudicium:  in  quibusdam  vero  etiam  subsequuntur,  25,  Similiter  et  bona  opera  ante  manifesta  sunt,  et  quae  secus  habent,  latere  nequeunt.  22.  Manus  cito  ne  cui  imponas.  Non  dubium  est  quin  depellere  a  Timotheo  invidiam  voluerit,  et  obviam  ire  multis  querimoniis,  quae  subinde  oriuntur  adversus  pios  Christi  servos,  qui  ambitiosis  quorumvis  precibus  obsequi  recusant.  Nam  alii  morositatis  eos  insimulant,  alii  invidiae,  nonnulli  etiam  crudeles  esse  clamitant,  quia  non  statim  admittant  qui  se  venditant  qualicunque  commendatione:  quod  hodie  plus  satis  experimur.  Paulus  ergo  Timotheum  hortatur  ne  a  gravitate  discedat,  nec  se  patiatur  vinci  praeposteris  studiis:  non  tam  quod  opus  haberet  Timotheus  eiusmodi  admonitione,  quam  ut  sua  autoritate  compescat  qui  alias  ipsi  Timotheo  molesti  esse  poterant.  Primum  impositio  manuum  ordinationem  significat:  hoc  est,  signum  pro  re  ipsa  capitur.  Prohibet  enim  ne  quem  minus  adhuc  probatum  nimia  facilitate  admittat.  Sunt  enim  qui  novitatis  studio  promoveri  cuperent  vel  ignotissimum  quemque,  simulatque  specimen  unum  vel  alterum  ediderit  quod  arrideat.  Huic  importunae  cupiditati  gravem  et  prudentem  episcopum  resistere  convenit:  quemadmodum  hic  Paulus  iubet  Timotheum  facere.  Neque  communices.  Significat  eodem  implicari  reatu  qui  illicitae  promotioni  assentitur,  atque  ipsos  praecipuos  autores.  Quamquam  ita  exponunt  quidam  :  si  indignos  admittat,  quidquid  postea  deliquerint,  culpam  illi  aut  culpae  partem  imputatum  iri.  Sed  mihi  hoc  videtur  simplicius:  Etiamsi  in  hanc  temeritatem  alii  prorumpant,  noli  te  illis  socium  addere,  ne  simul  reus  fias.  Saepe  enim  accidit,  ut  nos,  etiam  recte  alioqui  sentientes,  abripiat  aliorum  stultitia  et  levitas.  Huc  etiam  refero  quod  continuo  post  sequitur,  Temetipsum  purum  custodi:  ac  si  dixisset:  Si  quid  perperam  fiat  ab  aliis,  vide  ne  ulla  ex  consensu  vel  approbatione  contagio  ad  te  perveniat.  Si  impedire  non  potes  quominus  se  polluant,  saltem  tua  consilia  ab  illis  constanter  separata  esse  convenit,  quo  purum  te  serves.  Si  quis  generalem  esse  malit  sententiam,  fruatur  suo  sensu  :  sed  magis  consentaneum  est,  meo  iudicio,  ad  circumstantiam  praesentis  loci  restringere.  23.  Ne  posthac  bibas  aquam.  Quoniam  haec  sententia  contextum  abrumpit,  quidam  non  esse  Pauli  suspicantur.  Atqui  videmus  Paulum  non  adeo  fuisse  curiosum  in  texenda  orationis  serie:  atque  hoc  illi  non  esse  infrequens  ut  diversas  sententias  absque  ordine  permisceat.  Deinde  fieri  potest  ut  quod  scripta  iam  epistola  appositum  fuerat  extra  ordinem  versuum,  deinde  librariorum  errore  in  hunc  locum  obrepserit.  In  eo  tamen  non  ita  anxie  laborandum  est,  si  illum  quem  dixi  Pauli  morem  con-