51:319  319  SERMON  Vi  320  mesme  Dieu  avec  nous.  Et  voila  aussi  pourquoy  l'Apostre  applique  a  sa  personne  ce  passage  d'Isaie,  Me  voici  avec  les  serviteurs  que  tu  m'as  donnez:  que  Iesus  Christ  vient  la  comme  un  capitaine  qui  se  presentera  a  son  Roy  et  a  son  Prince,  Me  voici  (dit-ii)  avec  la  compagnie  des  enfans  que  tu  m'as  donnez.  Quoy  qu'il  en  soit,  nous  voyons  comme  lesus  Christ  nous  attire  a  Dieu  son  Pere,  a  fin  que  nous  puissions  approcher  en  pleine  fiance,  et  que  Dieu  nous  recevra.  Car  autrement  qui  est  celuy  qui  s'oseroit  promettre  d'estre  exauce  en  sa  requeste?  Quelle  grace  pourrions-nous  obtenir,  si  ce  n'estoit  que  la  porte  nous  hist  ouverte  par  Iesus  Christ,  et  qu'il  accomplist  co  qu'il  prononce,  c'est  a  scavoir  qu'il  est  la  voye?  Or  a  fin  que  nous  cognoissions  mieux  ie  besoin  que  nous  avons  d'estre  conduits  par  nostre  Seigneur  Iehus  Christ,  sainct  Paul  nous  propose  ici  la  gloire  infinie  de  Dieu.  Commeot  donc  est-ce  que  nous  somoaes  si  hardis  de  nous  presenter  devant  Dieu,  sinon  que  nous  ayons  un  advocat  qui  nous  y  iace  trouver  acces?  Car  si  le  soleil  esblouit  les  yeux  des  hommes,  et  si  sa  chaleur  nous  brusle,  encores  que  nous  en  soyons  bien  loin,  que  sera-ce  quand  nous  voudrons  approcher  de  Dieu?  Car  qu'est-ce  que  le  soleil  sinon  une  petite  vertu  que  Dieu  y  a  inspiree?  Et  quand  nous  viendrons  a  ceste  maieste  incomprehensible  qui  est  en  Dieu,  ne  faut-il  pas  que  la  nous  soyons  comme  engloutis?  Mais  ayans  Iesus  Christ,  nous  avons  a  cognoistre  que  Dieu  n'est  pas  seulement  Pere  de  gloire,  mais  aussi  Pere  de  misericorde,  et  qu'il  regarde  en  pitie  ceux  qui  sont  les  plus  miserables,  et  qui  sont  en  opprobre  et  ignominie  du  monde.  Voila  sur  quoy  il  nous  faut  estre  appuyez  en  priant  Dieu,  Sainct  Paul  notamment  ici  prie  qu'il  donne  esprit  de  sagesse  et  de  revelation  aux  Ephesiens.  Il  est  certain  que  desia  Dieu  leur  avoit  revele  la  verite  de  son  Evangile,  comme  on  le  voit.  Et  de  faict,  nous  ne  pourrions  avoir  une  seule  goutte  de  foy  ue  de  clairte,  que  Dieu  n'ait  desia  besongne  en  nous,  comme  il  est  dit  a  Pierre  au  seizieme  chap.  de  sainct  Matthieu,  La  chair  et  le  sang  ne  t'ont  point  revele  ces  choses  :  mais  mon  Pere  celeste  qui  est  aux  cieux.  Et  toutesfois  Pierre  monstre  puis  apres  qu'il  ne  cognoissoit  rien  du  royaume  spirituel  de  Iesus  Christ.  Estant  donc  comme  un  poure  idiot  a  i'A,  B,  C,  si  est-ce  qu'il  a  tesmoignage  que  ce  petit  goust  qu'il  a  de  l'Evangile  est  un  don  celeste.  Cependant  nous  voyons  comme  il  faut  que  Dieu  nous  croisse  de  plus  en  plus  ses  graces  :  et  pour  ceste  cause  nostre  vie  est  appelee  chemin,  d'autant  qu'il  nous  faut  tousiours  marcher  plus  outre,  iusques  a  ce  que  nostre  course  soit  accomplie.  Et  celuy  qui  imagine  quelque  perfection  en  ce  monde,  est  possede  de  Satan  et  renonce  pleinement  a  la  grace  de  Dieu.  Or  ne  pensons  pas  toutesfois  que  Dieu  change  de