50:319  319  SERMONS  320  ayons  tousiours  ceste  conclusion  certaine,  qu'il  n'y  a  que  luy  auquel  il  nous  salle  renger.  Voila  donc  comme  nous  serons  sous  la  conduite  de  nostre  bon  Pasteur,  c'est  si  nous  ne  sommes  point  esbranlez  ne  de  coste  ne  d'autre,  quand  les  hommes  nous  soliciteront,  et  que  chacun  taschera  de  noue  attirer  a  soy,  que  nous  ne  soyons  pas  comme  roseaux  branlans,  mais  que  nous  demeurions  fermes  en  la  doctrine  que  nous  aurons  cognue.  Voila  comme  nostre  Seigneur  Iesus  Christ  nous  advouera  du  rang  et  du  nombre  de  ses  brebis,  et  fera  tousiours  office  de  pasteur  envers  nous:  mais  si  nous  faisons  comme  ceux  qui  trouvent  tout  bon,  et  quand  on  leur  dira  qu'il  n'y  a  que  Iesus  Christ  sur  lequel  il  nous  salle  estre  appuyez  pour  avoir  quelque  fiance  de  salut,  et  bien,  ils  accepteront  ceste  doctrine.  Mais  si  a  l'opposite  on  leur  met  beaucoup  de  tromperies  en  avant,  et  qu'on  leur  brouille  l'esprit  de  ceci  et  de  cela,  ce  leur  est  tout  un.  Quand  donc  il  n'y  aura  nulle  discretion,  c'est  signe  qu'il  n'y  a  nulle  foy  ni  certitude:  car  il  faut  que  nous  ayons  ceste  resolution-la  que  Iesus  Christ  est  le  seul  maistre,  puis  que  la  charge  luy  est  commise  de  Dieu  son  Pere,  et  qu'aussi  il  s'en  est  acquitte  en  perfection.  Si  nous  n'avons  cela,  il  est  certain  que  nous  serons  tousiours  ravis  d'opinion  et  de  fantasie,  et  qu'il  n'y  aura  nulle  foy  en  nous.  Et  voila  aussi  pourquoy  sainct  Paul  declare  que  l'Evangile  qu'il  a  presche,  est  celuy  que  nostre  Seigneur  Iesus  a  commande  qu'on  presche  et  qu'on  publie,  et  duquel  il  est  autheur  au  nom  de  Dieu  son  Pere.  Puis  qu'ainsi  est,  il  s'y  faut  donc  tenir:  et  par  consequent  quand  sainct  Paul  parle  d'autre  Evangile,  il  entend  le  meslinge  et  corruption  qu'on  y  pourra  mettre:  comme  s'il  disoit,  Tout  ce  qu'on  adiouste-  a  la  doctrine  de  l'Evangile,  et  qu'on  y  mesle  de  la  fantasie  des  hommes,  et  qu'on  ne  se  contente  point  de  ceste  simplicite-la,  et  qu'on  en  varie,  tout  cela  n'est  que  mensonge.  Et  ainsi,  que  nous  fuyons  cela  comme  poison:  car  il  est  certain  que  nul  ooison  ne  peut  estre  si  mortelle  qu'est  une  doctrine  fausse.  Et  si  les  hommes  se  gardent  naturellement  de  ce  qui  leur  est  nuisible  pour  ceste  vie  caduque,  nos  ames  ne  nous  doivent-elles  pas  estre  t  plus  precieuses  ?  Et  quel  soin  devons  nous  avoir  qu'elles  ne  soyent  point  empoisonnees  par  nulle  tromperie  dea  hommes?  En  somme  que  nous  scachions  si  tost  qu'on  fera  quelque  addition  a  la  pure  doctrine  de  nostre  Seigneur  Iesus  Christ,  que  c'est  autant  de  faussete:  car  il  ne  veut  point  seulement  estre  tenu  comme  principal,  mais  il  faut  qu'il  demeure  luy  seul  sans  compagnon,  et  que  tous  ceux  qui  enseignent  soyent  premierement  ses  disciples,  que  celuy  qui  parle  en  l'Eglise  ne  propose  rien  de  son  propre,  ne  de  ce  qui  aura  este