25:319  319  REDITUS  AD  HISTORIAM.  320  EX  EODEM  CAPITE.  25.  Loquutus  est  deinde  Iehova  ad  Mosen:  dicendo:  26.  Cape  summam  praedae  captivitatis,  tam  de  hominibus  quam  de  iumentis,  tu  et  Eleazar  sacerdos,  et  capita  patrum  congregationis.  27.  Et  partieris  in  duas  partes  praedam,  inter  bellatores  qui  egressi  sunt  ad  pugnam,  et  inter  universam  congregationem.  28.  Tollesque  censum  Iehovae  a  viris  bellatoribus  qui  egressi  sunt  ad  militiam,  unam  animam  de  quingentis,  ex  hominibus,  et  ex  bobus,  et  ex  asinis,  et  ex  pecudibus.  29.  De  media  parte  illorum  capietis:  et  dabitis  Eleazaro  sacerdoti  oblationem  Iehovae.  30*  Et  de  media  parte  filiorum  Israel  capies  unam  portionem  ex  quinquaginta,  ex  hominibus,  ex  bobus,  ex  asinis  et  ex  pecoribus,  id  est  ex  omni  iumento  :  et  dabis  illa  Levitis  custodientibus  custodiam  tabernaculi  Iehovae.  SI.  Et  fecit  Moses  et  Eleazar  sacerdos  quemadmodum  praeceperat  Iehova  Mosi.  32.  Et  fuit  praeda,  residuum  scilicet  praedae  quam  praedati  sunt  milites,  ovium  sexcenta  septuaginta  quinque  millia.  33.  Et  boum  septuaginta  duo  millia.  34.  Et  asinorum  unum  et  sexaginta  millia.  35.  Et  animarum  hominis,  e  mulieribus  quae  non  cognoverant  coitum  masculi:  omnium,  inquam,  animarum,  duo  et  triginta  millia.  36.  Fuit  autem  dimidia  pars,  portio  eorum  qui  egressi  fuerant  ad  militiam,  numerus  ovium  trecenta  triginta  septem  millia  et  quingentae.  37.  Fuit  vero  census  pro  Iehova,  ex  ovibus  sexcentae  septuagintaquinque,  38.  Et  boum,  sex  et  triginta  millia:  et  census  eorum  Iehovae,  duo  et  septuaginta.  39.  Et  asinorum  triginta  millia  et  quingenti:  census  autem  eorum  Iehovae,  unus  et  sexaginta.  40.  Et  animarum  hominum,  sedecim  millia:  census  vero  eorum  Iehovae,  duae  et  triginta  animae.  41.  Deditque  Moses  censum  oblationis  Iehovae  ipsi  Eleazar  sacerdoti,  quemadmodum  praeceperat  Iehova  Mosi.  42.  Et  de  dimidia  parte  filiorum  Israel,  quam  deduxerat  Moses  a  viris  qui  militaverant:  43.  Fuit  autem  dimidia  pars  congregationis  de  ovibus,  trecenta  et  triginta  septem  millia  et  quingentae.  44.  Et  boum  sex  et  triginta  millia.  45.  Et  asinorum  triginta  millia  et  quingenti.  46.  Et  animarum  hominum  sedecim  millia.  47.  Be  dimidia,  inquam,  parte  filiorum  Israel  tulit  Moses  portionem  unam  e  quinquaginta  ex  hominibus  et  ex  iumentis,  et  dedit  eam  Levitis  custodientibus  custodiam  tabernaculi  Iehovae  quemadmodum  praeceperat  Iehova  Mosi.  25.  Loquutus  est  deinde.  Aequissima  praedae  hic  partitio  describitur  in  qua  ius  analogon  sic  observatum  fuit,  ut  neque  laboris  mercede  fraudati  fuerint  milites,  et  tamen  ad  reliquum  populum  cuius  nomine  bellum  gestum  fuerat,  fructus  aliquis  pervenerit.  Exigua  quidem  fuit  portio  multitudinis,  quia  tantundem  duodecim  quantum  sexcentis  hominum  millibus