1:319  INSTITUTIO  REL.  CHRIST.  1539  .  1554.  bertatem  numerat:  1)  a  necessitate  primam,  secundam  a  peccato,  tertiam  a  miseria;  quarum  prima  sic  homini  naturaliter  inhaereat,  ut  nequeat  ullo  modo  eripi  ;  duae  alterae  per  peccatum  sint  amissae.  Hanc  distinctionem  ego  libenter  recipio,  nisi  quod  illic  necessitas  cum  coactione  perperam  confunditur;  inter  quas  quantum  sit  discriminis  et  quam  necessario  considerandum,  alibi  apparebit.  25.  Iam  ergo  extra  controversiam  est  non  suppetere  ad  bona  opera  Uberum  arbitrium  homini,  nisi  gratia  adiuvetur;  et  gratia  quidem  speciali,  quam  electi  soli  per  regenerationem  consequuntur.  Sed  nondum  istud  liquet:  sitne  in  totum  privatus  bene  agendi  facultate,  an  habeat  adhuc  nonnullam,  sed  pusillam  et  infirmam,  quae  per  se  quidem  nihil  possit;  opitulante  vero  gratia  suas  ipsa  quoque  partes  agat.  Id  dum  vult  expedire  Magister  sententiarum,  2)  duplicem  gratiam  necessariam  esse  nobis  docet,  quo  reddamur  ad  bonum  opus  idonei.  Alteram  vocat  operantem,  qua  fit  ut  efficaciter  velimus  bonum;  cooperantem  alteram,  quae  bonam  voluntatem  sequitur  adiuvando.  In  qua  partitione  mihi  hoc  displicet,  quod  dum  gratiae  Dei  tribuit  efficacem  boni  appetitum,  innuit  hominem  iam  suapte  natura  bonum  quodammodo,  licet  inefficaciter,  appetere;  sicut  Bernardus,  bonam  quidem  voluntatem  Dei  opus  esse  asserens,  homini  tamen  hoc  concedit,  ut  motu  proprio,  bonam  eiusmodi  voluntatem  appetat.  Sed  istud  ab  Augustini  mente  procul  abest,  3)  a  quo  tamen  sumpsisse  partitionem  videri  vult  Lombardus.  In  secundo  membro  ambiguitas  me  offendit  quae  perversam  genuit  interpretationem.  Ideo  enim  putarunt  nos  secundae  Dei  gratiae  cooperari,  quod  nostri  iuris  sit  primam  gratiam  vel  respuendo  irritam  facere,  vel  obedienter  sequendo  confirmare.  Quod  autor  operis  de  vocatione  gentium  4)  sic  exprimit:  liberum  esse,  iis  qui  rationis  iudicio  utuntur,  a  gratia  discedere:  ut  non  discessisse  sit  praemium,  et  ut  quod  non  potest,  nisi  spiritu  cooperante,  fieri,  eorum  meritis  deputetur,  quorum  id  potuit  voluntate  non  fieri.  Haec  duo  notare  obiter  libuit,  ut  videas  iam,  lector,  quantum  a  sanioribus  scholasticis  dissentiam.  Longiore  enim  intervallo  a  recentioribus  sophistis  differo,  quanto  scilicet  a  vetustate  longius  abscesserunt.  Utcunque,  ex  hac  tamen  partitione  intelligemus,  qua  ratione  liberum  dederint  arbitrium  homini.  Pronuntiat  enim  tandem  Lombardus  5)  non  liberi  arbitrii  ideo  nos  esse,  quod  ad  bonum  et  malum,  vel  agendum  vel  cogitandum,  peraeque  polleamus,  sed  duntaxat  quod  coactione  soluti  sumus.  Quae  libertas  non  impeditur,  etiam  si  pravi  simus,  et  servi  peccati,  et  nihil  quam  peccare  possimus.  1)  Lib.  2.  sentent.  dist.  25.  2)  Lib.  2.  dist.  26.  3)  In  libris  de  libero  arbitrio.  4)  Lib.  2.  c.  4.  5)  Lib.  2.  sentent.  dist.  25.