9:318  De  ipsa  causa  sic  responsum  esse  tibi  confido,  ut  facile  perspiciant  cuncti  sanae  mentis  lectores,  mihi  non  defuisse  illum  spiritum,  cuius  est  dare  os  et  sapientiam:  quibus  si  resistere  pergis,  tuam  contumaciam  [pag.  120]  cum  pari  dedecore  prodes.  Ut  tandem  manifestae  veritati  cedas,  quanquam  vix  sperare  audeo,  optare  tamen  et  precari  non  desinam.  Quod  tandem  subiicis  cavillum,  non  esse  quod  tuis  conviciis  succenseam  si  necessario  scripta  esse  credo:  mihi  vero  seria  et  efficax  ad  tolerantiam  exhortatio  est:  quando  ad  fraenandam  indignationem  nihil  hac  Davidis  admonitione  utilius  vel  aptius:  Sinamus  eum  maledicere,  Dominus  enim  ita  praecepit  (2  Sam.  IG,  10).  Sciebat  quidem  David  Semei  eadem  qua  nunc  ferves,  conviciandi  rabie  incitari  :  sed  quos  ille  fortuitos  impetus  se  iacere  putabat,  arcana  Dei  providentia  gubernari  reputans,  se  ipsum  hac  ratione  cohibet.  Sicuti  nunquam  diaboli  et  impiorum  insultus  composita  moderatione  quisquam  feret,  nisi  qui  ab  illis  ad  Deum  unum  sensus  suos  converterit.  Compescat  te  Deus,  Satan.  Amen.  G-enevae  Nonis  Ianuarii,  M.  D.  LVIII.  l)  1)  Gallica  exemplaria  exhibent:  MDLVII.