7:318  omnes  agnoscant  canem  esse  qui  procul  latret,  morsu  autem  non  attingat  quos  impetit.  Initio  insurgit  adversus  hanc  praefationem,  ubi  testantur  pii  viri  talem  se  concipere  Deum  qualis  scripturis  describitur.  Sanctos  enim  patres  audiendos  clamitat.  Quasi  vero  alia  lege  audiri  se  voluerint  Athanasius,  Hilarius,  Ambrosius,  Augustinus,  Cyrillus,  quam  si  ex  scripturis  loquantur,  aut  quidquam  ab  eorum  doctrina  diversum  profiteatur  in  sua  confessione  Calvinus.  Toties  sancti  illi  viri,  dum  sua  probare  volunt,  ad  simplicem  scripturae  definitionem  provocant.  Toties  admonent,  credendum  non  aliud  esse  quam  quod  scripturis  continetur.  Et  hic  nugator  hac  macula  eos  aspergit,  quasi  nos  a  pura  scripturae  doctrina  revocent.  Quin  etiam  magno  crimini  ducit  haereticis  Hilarius,  1)  quod  propter  eorum  proterviam  cogatur  subiicere  periculo  humani  loquii  (sunt  enim  haec  eius  verba)  quae  mentium  religione  contineri  oportuerat.  Fatetur  enim  hoc  esse  nihil  aliud  quam  agere  illicita,  ineffabilia  loqui,  inconcessa  praesumere;  et  postquam  patrem,  filium  et  spiritum  nominavit,  subnectit  extra  significantiam  sermonis  esse,  extra  sensus  intentionem,  [pag.  52]  extra  intelligentiae  conceptionem  quidquid  ultra  quaeritur.  Et  in  libro  de  Conciliis  felices  Galliae  episcopos  praedicat  qui  aliam  confessionem  non  audissent,  quam  simplicem  illam  et  plebeiam  quae  Symbolo  apostolorum  continetur.  Confessio  autem  haec  quam  Carolus  impugnat,  si  ad  veterum  scripta  exigatur,  deprehendetur  per  omnia  convenire.  Nam  et  nihil  habet  quod  veterum  suffragiis  probari  non  possit,  et  nihil  de  summa  rei  tradunt  veteres  quod  non  hic  confirmetur.  Secunda  calumnia  est  de  vocabulis.  Miratur  enim  cur  tam  pertinaciter  nomina  personarum  et  trinitatis  Calvinus  refugiat.  Atqui  respondeo,  nec  Farellum,  nec  Calvinum,  nec  Viretum  ab  his  vocibus  unquam  abhorruisse.  Scripta  autem  Calvini  toti  mundo  testantur  eum  libenter  semper  usum  esse,  ac  etiam  reprehendisse  eorum  superstitionem  qui  eas  vel  odissent,  vel  lugerent.  Quod  autem  illis  uti  in  confessione  supersederunt,  et  Carolo  importune  urgenti  negarunt  se  usuros,  ad  id  duabus  causis  movebantur.  Nolebant  enim  consensu  suo  approbare  tyrannidem  hanc,  ut  quum  de  re  satis  superque  constaret,  fides  verbis  aut  syllabis  esset  alligata.  Sed  praecipua  ratio  illis  fuit,  ut  furioso  homini  eam  iactantiam  eriperent,  quam  ipse  animo  et  spe  praesumpserat.  Hoc  enim,  sicuti  dixi,  erat  eius  consilium:  tota  piorum  virorum  doctrina  in  suspicionem  tracta,  [pag.  53]  autoritatem  eorum  quoquo  modo  labefactare.  Neque  id  dissimulanter  agebat.  Nam  in  consessu  satis  frequenti  inter  certa-  1)  Libro  2.  de  Trinitate