6:318  arbitrio  largiatur  facultatis  Augustinus  quaerendum  erat,  non  in  nomine  insistendum.  Nullum,  inquit,  peccatum  est,  nisi  voluntarium.  Quorsum  hoc?  nisi  ut  suspicionem  indoctis  faciat,  qui  nostra  non  legunt,  aliter  nos  docere,  quum  hoc  ipsum  verbum  in  lucubrationibus  nostris  identidem  occurrat.  Imputare,  inquit,  sibi  quisque  debet  quod  peccat.  Et  quid  sibi  ea  volunt,  quae  ante  ex  mea  Institutione  retulit?  Merita,  inquit,  nostra  coronentur:  siquidem  intelligas  esse  Dei  dona.  Mirum,  nisi  saniores  ex  Romanensibus  hic  eum  praevaricari  suspicentur:  quando  causam  nostram  non  aliter  quam  si  nobis  conductus  foret,  agit.  Verum  quia  in  locum  nimis  sibi  lubricum  et  periculosum  se  venisse  sentit,  retrahit  mox  pedem  et  aliam  viam  ingreditur.  Transit  enim  ad  alium  librum,  qui  sub  Augustini  nomine  fpag.  1191  exstat  inter  eius  opera,  habetque  inscriptionem,  De  dogmatibus  ecclesiasticis.  Facit  autem  id  pro  solito  suo  candore,  quod  sancti  viri  titulo  abutitur  in  citando  opere,  quod  supposititium  esse  non  minus  ipse  novit,  quam  qui  nunc  a  me  admoniti  agnoscent.  Primum,  quum  omnium  operum  suorum  se  catalogum  in  Retractationibus  texuisse  profiteatur  Augustinus,  de  hoc  opere  nulla  mentio.  Ad  hoc  quum  sit  ubique  in  suis  scriptis  methodi  studiosissimus,  opusculum  illud  mixtam  et  confusam  variarum  rerum  farraginem,  sine  ordine  coacervatam,  continet.  In  hac  praesenti  quaestione  dum  versatur,  nihil  aliud  quam  diversa  hinc  inde  testimonia  colligit.  Innocentium  papam  romanum  magistrum  vocat  qui  longo  post  Augustinum  temporis  spatio  episcopus  creatus  fuerat.  J)  De  africanis  synodis,  milevitana  et  carthaginensi,  sic  loquitur,  quasi  nunquam  illis  interfuisset,  quum  certum  sit,  Augustinum  consilio  et  autoritate  illis  praefuisse.  Imo  quas  ex  Augustino  et  eius  aequalibus  sententias  sumit,  antiquorum  patrum  definitiones  nominat.  Quanquam  ineptus  sum,  qui  in  re  nequaquam  obscura  tantum  verborum  consumam:  nisi  quod  id  saltem  proficio,  ut  Pighii  impudentiam  nemo  non  videat.  Nunc  audiamus,  quid  cum  larvato  illo  Augustino  obtinere  velit'  Ut  sciant,  inquit,  haeretici,  non  ex  privato  eum  sensu  liberum  arbitrium  asserere,  sed  ex  definitione  ecclesiastica,  cui  contradicere  nemo  piorum  ausit.  Itane  vero,  ut  tantum  ponderis  habeant  incogniti  hominis,  miiii  dico  nunc  gravius,  undecunque  temere  eonge&tae  rhapsodiae?  Sed  quatenus  libertas  illic  praedicatur?  tit  nobis  post  lapsum  maneat  in  utramque  partem  electio:  hac  tamen  exceptione  addita,  ut  non  valeat,  nisi  admoneste  Deo,  et  ad  salutem  invitante;  secundo  1)  In  hoc  vero  fallitur  mr  summus.  Innocentius  1.  quem  solum  respicere  autor  ille  potuit,  quum  secundus  saeculo  demum  duodecimo  vixerit,  sedem  romanam  occupavit  anno  402  et  fato  suo  functus  est  anno  417.