55:318  nobis  caput  nostrum  Christus,  totum  semel  mundum  vicit.  14.  Sribo  vobis,  pueri.  Indigent  pueri  alieno  regimine:  itaque  pueris  optime  quadrare  evangelium,  apostolus  colligit,  quia  illic  inveniant  patrem.  Nunc  videmus  quam  diabolica  sit  tyrannis  papae,  quae  minaciter  ab  evangelii  doctrina  omnes  aetates  arcet,  quas  spiritus  Dei  tam  studiose  provocat.  Caeterum  haec  quae  in  species  apostolus  distribuit,  etiam  generalia  sunt.  Nam  toti  in  vanitatem  defluimus,  nisi  nitatur  nostra  firmitas  aeterna  Dei  veritate.  Nihil  nobis  magis  fragile  et  caducum,  nisi  virtus  Christi  in  nobis  habitet  :  pupilli  sumus  omnes,  donec  in  gratiam  adoptionis  per  evangelium  venimus.  Quae  ergo  de  iuvenibus  praedicat,  etiam  senibus  sunt  communia:  sed  tamen  voluit  singulis  aptare  quod  illis  maxime  necessarium  est  ut  sine  exceptione  omnes  indigere  evangelii  doctrina  ostendat.  Particula  5xt  bifariam  exponi  potest:  sed  hic  sensus,  quem  posui,  multo  melior  est:  atque  ita  contextus  melius  cohaeret.  Scripsi  vobis.  Has  repetitiones  iudico  esse  supervacuas.  Et  probabile  est,  quum  falso  putarent  imperiti  lectores  bis  de  pueris  loquutum  esse,  temere  alia  duo  membra  supposuisse.  Quamquam  fieri  potest  ut  Iohannes  ipse  sententiam  de  adolescentibus,  augendi  causa,  secundo  inseruerit:  (illic  enim  addit,  fortes  esse,  quod  prius  non  dixerat)  librarii  autem  temere  numerum  implere  voluerint.  15.  Ne  diligatis  mundum,  neque  ea  quae  in  mundo  sunt.  Si  quis  diligit  mundum,  non  est  caritas  patris  in  eo.  16.  Quia  quidquid  est  in  mundo  (nempe  concupiscentia  carnis,  concupiscentia  oculorum,  et  superbia  vitae)  non  est  ex  patre,  sed  ex  mundo  est.  17.  Atqui  mundus  transit,  et  concupiscentia  eius:  qui  autem  facit  voluntatem  Dei,  manet  in  aeternum.  15.  Ne  diligatis,  ete.  Antea  dixerat  hanc  esse  unicam  pie  vivendi  regulam,  Deum  amare:  sed  quia  vano  mundi  amore  occupati,  sensus  omnes  nostros  alio  avertimus,  vanitatem  istam  prius  ex  nobis  revelli  oportet,  ut  in  nobis  regnet  Dei  amor.  Donec  mentes  purgatae  fuerint,  centies  nullo  profectu  iterari  posset  superior  illa  concio:  non  secus  ac  si  aquam  supra  globum  effundens,  ne  unam  quidem  guttam  colliges,  quia  nihil  est  illic  vacuum  quo  aqua  retineatur.  Mundi  nomine  intellige  quidquid  ad  praesentem  vitam  spectat,  ubi  separatur  a  regno  Dei  et  spe  vitae  aeterna  Ita  in  se  comprehendit  omne  genus  corruptelas,  et  malorum  omnium  abyssum.  In  mundo  sunt  voluptates,  delitiae,  et  illecebrae  omnes  quibus  homo  capitur,  ut  se  a  Deo  subducat.  Porro  tam  severe  damnatur  mundi  amor:  quia  ubi  nihil  quam  terram  respicimus,  necesse  est  Deum  et  nos  ipsos  oblivisci.  Ubi  vero  perversa  eiusmodi