52:318  offendiculum  secum  ferunt.  Nam  si  quis  ex  presbyteris  absque  flagitio  deliquerit,  privatim  magis  admonendum  esse  certum  est,  quam  palam  redarguendum.  21.  Contestor  coram  Deo.  Haec  obtestatio  interposita  fuit  a  Paulo,  non  tantum  ut  in  re  maxime  seria,  sed  etiam  propter  summam  difficultatem.  Nihil  enim  difficilius  quam  tanta  aequitate  exercere  iudicia,  ut  neque  gratia  unquam  flectaris,  nec  suspicionibus  des  aditum,  nec  delationibus  movearis,  nec  rigore  sis  nimius,  nec  aliud  in  omnibus  causis  quam  ipsam  causam  respicias.  Nam  inde  ius  aequabile,  quum  personis  clausi  sunt  oculi.  Meminerimus  autem,  hic  sub  Timothei  persona  admoneri  omnes  pastores,  et  Timotheum  armari  veluti  clypeo  adversus  pravas  omnes  sollicitationes,  quae  non  raro  plurimum  negotii  solent  vel  optimis  quibusque  exhibere.  Timotheo  igitur  Deum  ponit  ante  oculos,  ut  sciat  non  minore  religione  3ibi  administrandum  esse  suum  munus,  quam  si  ageret  in  conspectu  Dei  et  angelorum.  Postquam  Deum  nominavit,  addit  etiam  Christum.  Nam  is  est  cui  pater  omnem  iudicandi  potestatem  detulit,  et  coram  cuius  tribunali  semel  apparebimus.  Angelos  Christo  adiungit,  non  tanquam  iudices,  sed  tanquam  futuros  testes  negligentiae,  aut  temeritatis,  aut  ambitionis,  aut  malae  fidei.  Adsunt  enim  spectatores,  propter  iniunctam  sibi  ecclesiae  curam.  Et  sane  plus  quam  stupidum  et  saxeum  esse  oportet,  cui  non  excutiat  torporem  et  oscitantiam  sola  haec  cogitatio:  theatrum  Dei  et  angelorum  esse  ecclesiae  gubernationem.  Ubi  vero  accedit  solennis  ista  contestatio,  timorem  ac  sollicitudinem  duplicari  necesse  est.  Electos  vocat  angelos,  non  tantum  ut  a  reprobis  discernat,  sed  excellentiae  causa,  ut  plus  reverentiae  habeat  eorum  testimonium.  Absque  praecipitatione.  iipoxptjxa  Graecis,  si  verbum  de  verbo  exprimas,  latine  sonat  praeiudicium.  Verum  potius  significat  festinationem  nimiam,  dum  re  nondum  bene  perspecta  temere  pronuntiamus:  aut  significat  immodicum  favorem,  quum  deferimus  personis  plus  quam  aequum  est,  vel  alios  tanquam  eximios  aliis  praeferimus:  quod  in  iudiciis  semper  est  iniquum.  Ergo  hic  vel  levitatem,  vel  personarum  acceptionem  damnat  Paulus.  Eodem  spectat  fere  quod  sequitur,  non  esse  huc  vel  illuc  declinandum.  Dici  enim  vix  potest  quam  difficulter  se  retineant  qui  iudicandi  munus  sustinent,  inter  tot  ac  tam  varios  impulsus.  Nonnulli  codices  habent  rcpoo>tX7]aiv.  Sed  prior  lectio  magis  convenit.  22.  Manus  cito  ne  cui  imponas:  neque  communices  peccatis  alienis.  Temetipsum  purum  custodi.  23.  Ne  posthac  bibas  aquam:  sed  paululo  vino  utere  propter  stomachum  tuum  et  crebras  tuas  infirmitates.  24.  Quorundam  hominum  peccata  ante  manifesta  sunt,  festi-