50:318  quand  on  nous  alleguera  qu'un  tel  pense  ainsi,  que  nous  scachions  puis  que  Dieu  nous  a  fait  ce  bien  de  nous  resoudre,  qu'il  nous  faut  la  tenir  sans  iamais  changer.  Voila  en  somme  ce  que  nous  avons  a  retenir  de  ce  passage.  Or  sur  cela  sainct  Paul  monstre  que  ce  n'est  point  sans  cause  qu'il  a  ainsi  parle  de  son  Evangile  qu'il  avoit  presche.  Car  il  dit  qu'il  n'enseigne  point  selon  les  hommes,  ou  qu'il  ne  met  point  les  hommes  en  avant,  et  qu'il  ne  conseille  pas  d'une  facon  humaine,  mais  qu'il  propose  Dieu,  et  qu'il  ne  cerche  point  de  plaire  aux  hommes,  mais  a  Iesus  Christ.  Et  puis  il  adiouste  que  son  Evangile  n'est  point  des  hommes,  mais  qu'il  luy  a  este  revele  d'en  haut,  comme  desia  nous  avons  traitte  par  ci-devant.  Ce  n'eust  pas  este  assez  que  sainct  Paul  eust  parle  de  l'Evangile  en  general,  sinon  qu'il  eust  monstre  quant  et  quant  qu'il  eust  este  vray  et  fidele  ministre.  Car  le  diable  souffrira  bien  que  le  nom  de  l'Evangile  soit  fort  authentique  entre  nous:  mais  cependant  nous  ne  scaurons  pas  qu'il  veut  dire,  et  ne  laisserons  pas  d'estre  enveloppez  en  beaucoup  d'erreurs,  et  aurons  nos  esprits  vagabons  ca  et  la.  Il  ne  suffit  point  donc  que  le  nom  de  l'Evangile  soit  honore  au  monde,  mais  il  faut  que  nous  scachions  quel  est  cest  Evangile,  et  quelle  substance  y  est  contenue.  Et  voila  pourquoy  sainct  Paul  s'attribue  ceste  fidelite  d'avoir  enseigne  l'Evangile,  en  sorte  qui  si  on  y  change  rien,  que  cela  soit  tenu  comme  detestable.  Or  ceci  est  encores  bien  a  noter:  car  les  Papistes  quand  ils  lisent  ce  passage,  ne  s'en  font  que  moquer:  et  Dieu  aussi  les  a  hebetez,  qu'il  y  a  moins    sens  qu'en  des  petis  enfans.  Car  ils  disent  que  sainct  Paul  a  entendu  que  si  on  faisoit  un  autre  Evangile,  comme  si  on  escrit  un  livre,  et  que  ce  ne  fust  point  l'Evangile  qui  avoit  este  escrit  par  luy,  qu'alors  on  devoit  reietter  tout  cela,  d'autant  que  l'Evangile  estoit  assez  approuve.  Or  dependant  ils  n'estiment  point  que  ce  qui  est  contenu  en  toutes  les  Epistres  de  sainct  Paul  soit  Evangile:  mais  ils  imaginent  plustost  qu'il  ait  escrit  quelque  histoire  de  l'Evangile,  et  que  ceux  qui  ne  l'avoyent  point  receu,  quand  on  leur  en  apporteroit  quelque  autre,  que  cela  n'eust  nul  tesmoignage  ne  reputation.  Or  nous  voyons  la  que  ces  poures  bestes  n'ont  ni  raison  ni  intelligence,  ne  goust  aucun.  Tant  plus  donc  nous  faut-il  observer,  que  sainct  Paul  non  sans  cause  a  parle  de  l'Evangile  qu'il  avoit  presche,  voire  monstrant  comme  au  doigt  la  doctrine  laquelle  il  nous  faut  avoir  pour  resolue.  Voulons  nous  estre  du  troupeau  de  nostre  Seigneur  Iesus  Christ?  Ce  n'est  point  assez  que  nous  acceptions  ce  qui  nous  est  dit  en  son  nom,  mais  il  nous  faut  prattiquer  ce  qui  est  dit  au  dixieme  chap.  de  S.  Iean,  qu'en  escoutant  sa  voix  nous  la  puissions  discerner  de  la  voix  des  estrangers,  et  que  nous