5:318  consertis  manibus  cum  illis  luctandum  sit.  Id  quoniam  nullo  compendio  promptius  assequi  posse  nobis  videbamur,  quam  si  publice  exstaret  certum  aliquod  doctrinae  nostrae  specimen,  vel  catholica  potius  testificatio,  Catechismum  hunc,  qui  vulgari  nostro  idiomate  dudum  editus  fuerat,  publicandum  etiam  apud  alias  ecclesias  censuimus,  quo  veluti  obside  accepto,  nostrae  secum  unionis  certiores  fiant.  Etsi  non  ambiguas  suae  erga  nos  benevolentiae  sinceraeque  dilectionis  significationes,  et  praebuerunt  antea,  et  assidue  praebent  ecclesiastici  pastores,  quos  pietatis,  sanctimoniae,  eruditionis  ergo  plurimi  aestimamus.  Ut  appareat  ae  religionis  nostrae  puritate,  nihilo  minus  secure  esse  persuasos,  quam  si  monimentis  centies  consignata  foret.  Sed  nec  illi  soli  sunt,  quorum  haberi  rationem  convenit:  et  minime  timendum  est,  ne  modum  hac  in  re  excedamus,  in  qua  nihil  nimium  esse  potest.  Porro  doctrinam,  qua  plebem  nobis  a  Domino  commendatam  instituimus,  sic  sanctae  veritati  consentaneam  esse  confidimus,  ut  nemo  futurus  sit  piorum,  qui  non  istic  quem  ha-fc  bet  de  religione  sensum,  recognoscat.  Quando  non  nostra  ingerere  studuimus:  sed  e  puro  Dei  verbo  sumpta  sobrie  fideliterque  administrare.  Praesertim  vero  qui  non  iniquissime  iudicare  volent,  facile  statuere  poterunt,  quam  iniurius  ille  nobis  fuerit,  qui  nos  non  minus  obscura  quam  obliqua  suspicione  apud  bonos  gravare  conatus  est:  ac  si  nostra,  de  personali  in  Deo  uno  distinctione,  sententia  non  nihil  ab  orthodoxo  ecclesiae  consensu  dissentiret.  Et  ille  quidem,  prout  eius  non  impietas  modo,  sed  flagitiosissima  etiam  vita  meretur,  hominum  iudicio  ad  tempus  elapsus  est,  ut  divinae  ultioni  servaretur,  cuius  manifestas  iam  notas  in  eo  apparere,  omnes  vident.  Dominus  autem  innocentiae  nostrae  vindicem  in  tempore  se  exhibuit:  qui  viam  mature  praeclusit  mendacio  tam  impudenti,  ne  vel  serperet  longius  vel  diutius  piis  pectoribus  insideret.  Nos  certe,  gratia  Domini,  nec  male  adeo  in  scripturis  exercitati,  nec  adeo  infeliciter  versati  sumus,  ut  in  luce  tam  perspicua  caecutiamus.  Utcunque  enim  aliis  involuta  et  tantum  non  caliginosa  videatur  istaec  demonstratio,  nos  tamen  illic  in  una  Dei  essentia  per-