49:318  ipso  fore  indicat,  nisi  haereant  in  solo  Christo.  Quaeritur,  quid  sit  in  Christi  nomen  baptizari.  Respondeo,  hac  loquutione  non  modo  indicari,  baptismum  in  Christi  autoritate  fundatum  esse,  sed  eius  quoque  virtute  subniti,  et  quodammodo  in  ea  consistere:  denique  hinc  pendere  totum  eius  effectum,  quod  Christi  nomen  in  ipso  invocetur:  sed  quaeritur  rursum,  cur  Paulus  dicat  Corinthios  baptizatos  in  nomen  Christi  :  quum  praeceperit  Christus  ipse  apostolis  baptizare  in  patris  et  filii  et  spiritus  sancti  nomen.  Respondeo  considerandum  hoc  primo  loco  in  baptismo  esse,  quod  Deus  pater  nos  gratuita  bonitate  in  ecclesiam  suam  inserendo  adoptione  in  filios  recipit.  Secundo,  quia  nulla  intercedere  nobis  coniunctio  cum  eo  potest  nisi  intercedente  reconciliatione:  Christo  opus  est,  qui  suo  nos  sanguine  restituat  in  patris  gratiam.  Tertio,  quia  per  baptismum  consecramur  Deo,  spiritum  quoque  sanctum  intervenire  oportet:  cuius  officium  est,  nos  facere  novas  creaturas.  Quin  etiam  quod  Christi  sanguine  abluimur,  eius  proprium  opus  est:  sed  quia  neque  patris  misericordiam,  nec  gratiani  spiritus  consequimur  nisi  per  solum  Christum,  merito  et  proprium  baptismi  scopum  eum  vocamus,  et  specialiter  eius  nomine  baptismum  inscribimus.  Quamquam  hoc  patris  et  spiritus  nomen  minime  excludit.  Quum  enim  brevi  summa  complecti  volumus  vim  baptismi,  Christum  solum  nominamus:  quum  distinctius  loqin  placet,  patris  et  spiritus  nomen  exprimi  debet.  14.  Gratias  ago  Deo  meo,  quod  neminem  baptizaverim  vestrum,  nisi  Crispum  et  Gaium:  15.  ne  quis  dicat  quod  in  meum  nomen  baptizaverim.  16.  Baptizavi  autem  et  Stephanae  familiam.  Praeterea  nescio  num  quem  alium  baptizaverim.  17.  Non  enim  misit  me  Christus  ut  baptizarem,  sed  ut  evangelizarem:  non  in  sapientia  sermonis,  ne  inanis  reddatur  crux  Christi.  18.  Nam  sermo  crucis  iis,  qui  pereuntf  stultitia  est:  at  nobis,  qui  salutem  consequimur,  potentia  Dei  est.  19.  Scriptum  est  enim:  Perdam  sapientiam  sapientum,  et  intelligentiam  intelligentem  auferam  e  medio.  20.  Ubi  sapiens  ?  ubi  scriba  ?  ubi  disputator  huius  saeculi  ?  Nonne  infatuavit  Deus  sapientiam  mundi  huius?  14.  Gratias  ago.  His  verbis  taxat  acerbissime  Corinthiorum  pravitatem,  qua  fiebat  ut  tam  sanctum  ac  praeclarum  baptismi  ministerium  quodammodo  refugiendum  esset.  Iuste  quidem  et  pro  muneris  sui  ratione  fecisset  Paulus,  si  quamplurimos  baptizasset.  Gaudet  tamen  aliter  accidisse,  et  Dei  providentia  factum  esse  agnoscit,  ne  inde  arriperent  occasionem  in  se  gloriandi:  vel  ne  quid  simile  haberet  cum  ambitiosis  illis,  qui  discipulos  hoc  modo  aucupabantur.  Quid  si  autem  baptizasset  multos?  Nihil  in  eo  fuisset  mali:  sed  (quemadmodum  dixi)  gravis  hic  subest  exprobratio  adversus  Corinthios  23*