47:318  sed  in  sensu  discrimen  est.  Negat  enim  eos  sequi  posse,  ut  temporalem  sui  absentiam  aequo  animo  ferant,  et  quasi  fraenum  illis  iniicit  ut  se  contineant  in  statione  sua,  donec  militiam  suam  in  terra  compleverint.  Non  igitur  eos  in  perpetuum  arcet  a  regno  Dei  ut  Iudaeos,  sed  tantum  iubet  ut  placide  exspectent,  dum  eos  secum  in  regnum  coeleste  colligat  34.  Praeceptum  novum  do  vobis.  Consolationi  addit  exhortationem,  ut  se  mutuo  diligant,  ac  si  diceret:  Interea  dum  corpore  a  vobis  absum,  mutua  caritate  testamini  non  frustra  vos  fuisse  a  me  edoctos:  sit  hoc  continuum  vestrum  studium,  sit  praecipua  meditatio.  Cur  praeceptum  novum  appellet,  non  convenit  inter  omnes:  quibusdam  videtur  esse  haec  ratio,  quod  quum  literale  et  externum  esset,  quidquid  de  caritate  olim  in  lege  praescriptum  erat,  Christus  spiritu  suo  cordibus  fidelium  inscripserit.  Ita  lex  secundum  eos  nova  est,  quam  novo  modo  promulgat,  ut  habeat  plenum  vigorem.  Sed  illud  meo  iudicio  nimis  coactum  est  atque  alienum  a  Christi  mente.  Alii  novum  ideo  praeceptum  dici  exponunt,  quod  tametsi  lex  ad  dilectionem  nos  revocet,  quia  tamen  multis  caeremoniis  et  appendicibus  est  implicita  illic  doctrina  caritatis,  non  tam  clare  emineat:  contra  autem  in  evangelio  sine  ullis  umbris  statuatur  in  cantate  perfectio.  Ego  ut  hant5  interpretationem  non  prorsus  repudio,  ita  Christum  simplicius  loquutum  esse  arbitror.  Scimus  enim  leges  initio  diligentius  servari,  sensim  vero  labi  ex  hominum  memoria,  donec  tandem  obsolescant.  Ergo  Christus  quo  melius  infigat  suorum  animis  caritatis  doctrinam,  a  novitate  eam  commendat,  quasi  diceret:  Volo  huius  mandati  vos  perpetuo  esse  memores,  ac  si  lex  esset  recens  nata.  Videmus  in  summa,  consilium  Christi  fuisse  hoc  loco  ad  caritatem  suos  hortari,  ne  unquam  ab  eius  studio  se  abduci,  aut  eius  doctrinam  sibi  effluere  sinerent.  Porro  quam  necessaria  fuerit  haec  admonitio,  quotidianis  experimentis  discimus.  Quia  enim  difficile  est  retinere  caritatem,  homines  ea  posthabita  novos  sibi  colendi  Dei  modos  fingunt,  et  Satan  multa  suggerit  in  quibus  se  occupent.  Ita  accidit  ut  frustra  satagendo  illudere  Deo  conentur,  se  autem  decipiant.  Ergo  elogium  hoc  novitatis  subinde  nos  ad  colendam  caritatem  excitet.  Interea  sciamus  vocari  novum,  non  quod  coeperit  nunc  primum  placere  Deo,  quando  alibi  vocatur  legis  complementum.  Diligatis  vos  mutuo.  Extenditur  quidem  etiam  ad  extraneos  usque  caritas,  quia  sumus  omnes  ex  eadem  carne  omnesque  ad  imaginem  Dei  creati.  Sed  quia  in  regeneratis  clarius  elucet  Dei  imago,  vinculum  amoris  inter  Christi  discipulos  multo  arctius  esse  par  est.  Caritas  in  Deo  causam  quaerit,  inde  habet  suam  radicem  et  illuc  refertur.  Ita  ut  quemque  vere  agnoscit  esse  Dei  filium,  magis  stu-