9:317  317  DE  OCCULTA  DEI  PROVIDENTIA.  318  gentia  abdicat,  ut  a  reverentia  mysteriorum  Dei  incipiat  fides.  Tu  homines  illiteratos  prodire  in  medium  iubes,  qui  spreta  omni  doctrina,  solo  arrogantiae  flatu  turgidi,  audacter  de  coelestibus  mysteriis  iudicent:  nec  alios  agnoscis  legitimos  arbitros,  nisi  qui  contenti  vulgari  sensu,  fortiter  repudiant  quidquid  non  arridet.  Aliud  vero  probrum  quo  meos  discipulos  gravas,  facile  excipiet  Paulus  (Tit.  3,  10),  quo  autore  te  et  tui  similes  [pag.  119]  haereticos  relinquere  malunt,  quam  audiendis  tuis  blasphemiis  aures  suas  ultro  polluere.  Negas  ita  esse  agendum,  quia  audiendi  sint  omnes.  Quasi  vero  frustra  dictum  sit,  haereticum  hominem,  si  bis  et  ter  serio  admonitus  non  resipiscit,  vitandum  esse.  Audientiam  si  quis  tibi  negaret,  esset  aliqua  querendi  ratio:  sed  quum  in  publico  etiam  consessu,  ubi  tibi  permissa  erat  blaterandi  libertas,  imo  ad  quem  citatus  et  fere  tractus  fueras,  victus  cesseris,  quis  tandem  erit  modus,  si  tibi  semper  pateant  piorum  aures,  donec  ad  saturitatem  usque  Deo  maledixeris?  Tu  omnia  pietatis  principia  ridendo,  suaviter  te  oblectas.  Visne  tam  stupidos  esse  Dei  filios,  ut  vel  procacitati  tuae  arrideant,  vel  sacrilegis  probris  nihil  moveantur?