55:317  317  CAPUT  IL  318  cesserint  discendi  aetatem:  pueri,  quasi  nondum  maturuerint,  recusant  audire:  mediae  aetatis  homines,  quoniam  aliis  studiis  occupantur,  non  adiiciunt  huc  animum.  Ergo  ne  qui  se  eximant,  evangelium  ad  singulorum  usus  accommodat.  Designat  autem  tres  aetates:  quae  magis  recepta  est  humanae  vitae  partitio.  Unde  et  celebris  ille  Lacedaemoniorum  chorus  tres  ordines  habebat,  quorum  primus  canebat:  Quod  estis,  erimus:  postremus��  Quod  estis,  fuimus:  medius  vero:  Sumus  quod  alteri  fuerunt,  et  alteri  futuri  sunt.  In  hos  tres  gradus  Iohannes  humanae  vitae  curriculum  distribuit:  ac  incipit  quidem  a  senibus,  et  illis  congruere  dicit  evangelium,  quia  inde  aeternum  Dei  filium  discant.  Nota  est  senum  morositas:  praesertim  vero  quia  annorum  multitudine  metiuntur  sapientiam,  redduntur  indociles.  Praeterea  hoc  vitii  merito  in  illis  notavit  Horatius  in  Arte  poetica1),  quod  tempus  pueritiae  suae  laudantes,  respuunt  quidquid  fit  aut  dicitur.  Huic  vitio  prudenter  medetur  Iohannes,  quum  in  evangelio  non  antiquam  modo  scientiam  contineri  admonet,  sed  quae  nos  deducit  usque  ad  ipsam  Dei  aeternitatem.  Unde  sequitur,  nihil  hic  esse  quod  fastidiant.  Quod  dicit  Christum  fuisse  ab  initio,  tam  ad  divinam  eius  praesentiam,  in  qua  coaeternus  est  patri,  quam  ad  virtutem  refero,  de  qua  apostolus  loquitur  ad  Hebraeos  (13,  8),  quum  dicit  fuisse  heri,  sicuti  est  hodie,  ac  si  diceret:  Si  placet  vetustas,  habetis  Christum,  qui  est  omni  vetustate  superior:  quare  ne  pudeat  eius  esse  discipulos  qui  in  se  omnia  saecula  comprehendit.  Interea  notandum  quaenam  sit  vere  antiqua  religio,  nempe  quae  in  Christo  fundata  est.  Nam  alioqui  parum  valebit  quantumvis  longa  annorum  series,  si  originem  ab  errore  ducat.  Scribo  vobis,  adolescentes.  Tametsi  diminutivo  utitur,  veaviaxot:  non  tamen  dubium  est  quin  sermonem  ad  omnes  dirigat  qui  sunt  in  aetatis  flore  et  statu.  Scimus  porro  aetatem  illam  sic  addictam  esse  inanibus  mundi  curis,  ut  de  regno  Dei  parum  cogitet.  Nam  ingenii  vigor  et  corporis  robur  illos  quodammodo  inebriant.  Proinde  apostolus  eos  admonet  ubi  situm  sit  verum  robur:  ne  amplius  pro  more  suo  in  carne  exsultent.  Tos,  inquit,  fortes  estis,  quia  v  i  c  i  s  t  i  s  Satanam.  Copula  enim  causalem  particulam  valet.  Et  sane  ea  est  fortitudo  quam  appetere  decet:  nempe  spiritualis.  Et  simul  non  aliunde  haberi  indicat  quam  a  Christo,  bona  enim,  quae  ex  evangelio  percipimus,  commemorat.  Vicisse  dicit  qui  adhuc  sunt  in  actu  ipso  bellandi:  sed  nostra  conditio  longe  alia  est  quam  eorum,  qui  sub  hominum  vexillis  militant.  Mars  enim  illis  dubius,  et  eventus  belli  anceps:  nos,  priusquam  congrediamur  cum  hoste,  iam  sumus  victores:  quia  *)  Vide  an  respiciat  v.  173  ss.