51:317  317  SCJR  L'EPITRE  AUX  EPHESIENS.  318  ramene,  c'est  que,  quand  nous  louons  Dieu  des  graces  qu'il  a  eslargies  a  ses  eleus  et  a  ses  enfans,  ii  nous  faut  conioindre  aussi  la  priere  avec  l'action  de  graces.  Et  pourquoy?  Oar  c'est  a  luy  de  parfaire  ce  qu'il  a  commence:  et  nous  faut  tousiours  avoir  ce  principe,  Seigneur,  tu  ne  delaisseras  point  l'ouvrage  de  tes  mains  a  demi.  Or  ce  que  nous  devons  faire  pour  les  autres,  est  aussi  bien  pour  nous.  En  somme,  nous  sommes  ici  advertis  de  tellement  magnifier  Dieu  en  ce  que  nous  avons  desia  senti  de  sa  bonte  et  de  ses  dons,  que  nous  voyons  qu'il  y  a  encores  beaucoup  a  redire,  et  que  nous  avons  besoin  qu'il  nous  donne  perseverance  iusques  en  la  fin  :  et  puis  qu'il  corrige  le  residu  de  nos  vices,  et  qu'il  augmente  de  ses  graces,  iusques  a  ce  que  la  perfection  soit  venue,  qui  ne  sera  iamais  iusques  a  ce  que  nous  soyons  despouillez  de  ce  corps  mortel.  Et  toutesfois  nous  voyons  comme  Satan  possede  auiourd'huy  ceux  qui  imaginent  une  perfection  infernale,  et  qui  prennent  seulement  les  trois  premieres  requestes  de  leur  Pater,  disans  qu'il  suffit  de  prier  Dieu  que  son  nom  soit  sanctifie,  que  son  Royaume  advienne,  que  sa  volonte  soit  faite:  et  cependant  ils  coupent  tout  le  reste  de  l'oraison  que  nostre  Seigneur  Iesus  nous  a  laissee.  Et  i'en  ay  la  signature  de  leurs  mains:  que  leurs  disciples  la  cognoissent:  que  ces  diables~la  monstrent  qu'il  faut  bien  qu'ils  soyent  du  tout  insensez  quand  ils  sont  transportez  iusques  la,  qu'ils  ne  peuvent  donner  ceste  gloire  a  Dieu,  que  maintenant  nous  sommes  encores  chargez  du  fardeau  de  nos  infirmitez,  que  nous  sommes  retenus  de  beaucoup  de  corruptions,  que  nous  sommes  environncz  de  beaucoup  de  vices,  et  qu'il  faut  que  Dieu  nous  en  purge  de  plus  en  plus,  et  de  iour  en  iour,  iusques  a  ce  qu'il  nous  ait  amenez  a  la  perfection  a  laquelle  il  nous  appelle.  Et  tant  plus  nous  faut-il  bien  observer  ceste  doctrine.  Car  les  Papistes  ne  sont  pas  tant  desbordez  en  leurs  erreurs  de  leurs  superstitions  et  idolatries,  que  sont  ces  vileins-ci,  qui  sement  auiourd'huy  leurs  poisons  en  leurs  sinagogues  et  cachettes.  Mais  quoy  qu'il  en  soit,  notons  bien  ce  qui  nous  est  ici  monstre  par  le  S.  Esprit,  quand  sainct  Paul  dit  qu'il  prie  Dieu.  Et  pourquoy?  I'ay  desia  declare  que  les  Ephesiens  avoyent  profite,  et  que  les  dons  de  Dieu  et  de  son  sainct  Esprit  estoyent  augmentez  en  eux  :  il  a  declare  cela.  Maintenant  pour  conclusion  il  dit  encores  qu'il  demande  a  Dieu  qu'il  leur  donne  ce  qu'ils  n'ont  pas  et  ce  qui  leur  defaut.  Puis  qu'ainsi  est,  notons  que  d'autant  plus  que  nous  avons  profite,  nous  avons  occasion  de  nous  humilier,  et  en  toute  modestie  de  prier  Dieu  qu'il  parface  ce  qu'il  a  commence,  et  qu'il  augmente  ses  dons  iusques  a  ce  que  nous  n'ayons  plus  besoin  de  profiter,  qui  sera  a  ceste  rencontre  de  laquelle  nou3  parlerons  plus  a  plein  au  quatrieme  chapitre.