50:317  317  SUR  L'EPITRE  AUX  GALATES.  318  estoyent  creez  pour  rendre  service  a  Dieu,  se  sont  tourmentez,  et  ont  prins  beaucoup  de  peine,  mais  le  tout  a  este  frustratoire  et  inutile,  d'autant  que  ils  n'ont  point  commence  par  ce  bout,  c'est  a  scavoir  de  reigler  leur  vie  a  la  volonte  de  Dieu,  et  d'avoir  pleine  certitude  qu'ils  n'attentoyent  rien,  sinon  ce  qui  leur  estoit  commande  par  luy.  Voila  donc  comme  nostre  service  sera  auiourd'huy  agreable  a  Dieu,  c'est  quand  nous  luy  presterons  l'aureille,  que  nous  souffrirons  d'estre  enseignez  en  sa  parole,  d'estre  gouvernez  du  tout  par  icelle,  et  que  nous  conformerons  la  pleinement  nostre  vie  et  toutes  nos  oeuvres  et  nos  pensees.  Et  en  cela  voyons  nous  le  bien  que  Dieu  nous  a  fait,  quand  il  nous  a  appelez  a  la  cognoissance  de  son  Evangile.  Or  d'autre  coste  nous  contemplons  les  poures  Papistes  (comme  desia  nous  avons  touche)  qui  se  levent  matin,  qui  s'appliquent  a  ceci  et  a  cela,  ils  n'auront  ne  fin  ne  cesse  en  leurs  devotions:  et  cependant  non  seulement  ce  n'est  pas  un  temps  perdu,  et  leur  travail  est  frivole  et  inutile:  mais  ils  sont  detestables  devant  Dieu.  Puis  qu'ainsi  est  donc,  que  nous  prisons  ceste  grace  qui  nous  est  faite,  quand  Dieu  nous  a  declare  sa  volonte,  et  que  nous  scachions  qu'il  ne  nous  faut  point  cheminer  a  l'aventure,  et  que  nous  avons  a  discerner  entre  le  bien  et  le  mal,  non  point  par  nostre  sens  et  phantasie:  mais  d'autant  que  Dieu  nous  a  amenez  en  son  esehole,  et  qu'il  nous  approuve,  et  que  nous  scavons  qu'il  ny  a  rien  qui  merite  d'estre  prise,  sinon  de  nous  conformer  a  la  reigle  qu'il  nous  a  donnee  par  sa  parole.  Voila  pour  un  item.  Et  cependant  aussi  nous  voyons  quelle  est  la  maieste  de  l'Evangile,  et  qu'il  n'est  point  ici  question  d'amener  en  avant  l'opinion  des  hommes  pour  nous  envelopper  en  quelque  doute:  comme  auiourd'huy  les  Papistes  n'ont  autre  bouclier  contre  nous,  sinon  des  traditions  de  l'Eglise,  des  Conciles  et  de  l'anciennete:  mais  quand  ils  auront  amasse  tout  le  monde,  cela  vaudroit-il  les  Anges  de  Paradis?  Il  est  certain  que  non.  Or  donc  nous  pouvons  bien  nous  moquer  de  leur  sottise,  a  l'exemple  de  sainct  Paul,  et  dire  que  quand  le  Pape  et  toute  ceste  infection  de  son  clerge  auroyent  les  Angos  de  leur  coste,  que  ce  ne  seroit  rien  au  pris  et  en  comparaison  de  nostre  Seigneur  Iesus  Christ,  qui  a  tout  empire  souverain,  et  devant  lequel  tout  genouil  doit  estre  ploye:  et  non  seulement  des  creatures  terrestres,  mais  de  ce  qui  est  la  haut  au  ciel,  comme  aussi  il  en  est  parle  en  l'Epistre  des  Philip.,  la  ou  ce  passage  est  applique  a  sa  personne,  quand  Dieu  iure  que  tout  genouil  sera  ploye  devant  luy,  et  que  toute  langue  confessera  qu'il  faut  que  luy  seul  soit  glorifie.  Voila  donc  comme  nous  devons  priser  la  doctrine  de  l'Evangile,  c'est  que  nous  ne  soyons  point  esbranlez  par  l'authorite  des  hommes: