5:317  OMNIBUS  CHRISTI  EVANGELIUM  RELIGIOSE  COLENTIBUS  MINISTRI  GENEVENSIS  ECCLESIAE  GRATIAM  ET  PACEM,  VERAEQUE  PIETATIS  INCREMENTUM  A  DOMINO  PRECANTUR.  Ne  quis  eximia  Catechismi  huius  nostri  elogia  exspectet,  talem  esse  libenter  confitemur,  ut  consultius  futurum  fuisse  videri  forte  nonnullis  queat,  ipsum  intra  ecclesiae  nostrae  fines  contineri,  neque  latius  invulgari.  Nam  ut  est  pia  magis  facilitate,  quam  acuta  sublimique  eruditione  conscriptus,  ita  rarum  quendam  doctrinae  fructum  inde  colligi  posse,  praesertim  inter  latinos  homines,  non  adeo  magna  spes  est.  Neque  sane  eramus  edituri,  nisi  nos  alia,  quam  industriam  nostram  apud  exteras  gentes  venditandi,  ratio  impulisset:  quam  ideo  vobis  exponere  libet,  ne  quis  editionis  istius  consilium  secus  interpretetur,  quam  animus  noster  tulerit.  Quod  in  primis  nostra  referre  scimus,  ut  se  mutua  dilectione  ecclesiae  omnes  complectantur,  non  alia  via  melius  obtineri  potest,  quam  si  ultro  citroque  compertam  ac  testatam  habeant  suam  in  Domino  consensionem  :  qua  nobis  nullum  exstat  arctius  vinculum,  ad  retinendam  animorum  concordiam.  Id  autem  si  quando  alias  conducibile  fuit,  nostro  certe  saeculo  maxime  est  necessarium:  quod  tanta  sufiusum  malignitate  conspicimus,  ut  a  falsib  criminationibus  nulla  innocentia,  nulla  simplicitas  a  suspicionibus  satis  tuta  sit.  De  aliis  tacemus.  Sed  nos  ipsi  compluribus  iam  experimentis  plus  satis  edocti  sumus,  quantum  delatoria  iniquitas,  non  ad  diducendos  modo  bonorum  alioqui  virorum  animos,  sed  ecclesias  quoque  ipsas  paene  divellendas  proficiat,  quoties  de  re  non  plane  explorata  sinistros  rumores  spargere  potest.  Porro  ut  non  temere  restinguitur  incendium,  quod  longe  lateque  iam  exarserit:  sic  talibus  malis,  ubi  semel  exorta  fuerint,  obviam  ire  nobis  serum  est.  Mirum  enim  quantum  exiguo  temporis  spatio  serpat  calumniarum  virus  :  ut  nunquam  mederi  prius  queas,  quam  multorum  mentes  infecerit.  Iam  vero  remedium  ipsum  perquam  difficile  est:  quo  scilicet  difficilius,  mentem  hominis  vitiosis  opinionibus  imbutam  repurgare,  quam  inquinare.  Siquidem  ad  prima  indicia  concipienda,  nihil  nobis  proclivius:  semel  suscepta  non  nisi  aegerrime  deponimus.  Quum  ergo  vanis  delationibus  aliquoties  exagitati,  didicerimus  valde  esse  metuendas:  iis  in  posterum,  quoad  licet,  ansam  praecidere  malumus,  quam  exspectare:  dum