49:317  317  CAPUT  L  318  ad  homines  transferatur.  Prior  est,  nos  hac  lege  redemptos  esse  a  Christo,  ut  non  simus  nostri  iuris.  Hoc  ipso  argumento  utitur  Paulus  ad  Romanos  cap.  14,  9,  quum  dicit:  In  hoc  mortuus  est  Christus  et  resurrexit,  ut  vivis  dominetur  et  mortuis.  Illi  ergo  vivamus  et  moriamur,  quia  semper  eius  sumus.  Item  etiam  cap.  7,  23,  huius  epistolae:  Pretio  empti  estis:  nolite  fieri  servi  hominum.  Quum  ergo  acquisiti  essent  Corinthii  Christi  sanguine,  redemptionis  beneficio  quodammodo  renuntiabant,  dum  alia  capita  sibi  accerserent.  Insignis  doctrina,  quod  nostri  arbitrii  non  sit  addicere  nos  hominibus  in  servitutem,  quum  simus  Domini  peculium.  Corinthios  ergo  hic  summae  ingratitudinis  notat,  qui  ab  eo  capite  se  alienabant,  cuius  sanguine  redempti  erant:  utcunque  id  facerent  inscienter.  Militat  porro  hic  locus  adversus  impium  papistarum  commentum,  quo  suas  indulgentias  fulcire  conantur.  Thesaurum  enim  illum  fictitium  ecclesiae,  quem  per  indulgentias  dispensari  docent,  construunt  ex  sanguine  Christi  et  martyrum.  Ita  fingunt  martyres  promeruisse  nobis  aliquid  coram  Deo  morte  sua,  ut  inde  ad  obtinendam  peccatorum  remissionem  auxilium  petamus.  Negabunt  ideo  redemptores  nostros  esse.  Atqui  nihil  clarius  est  quam  alterum  ex  altero  sequi.  Agitur  de  peccatoribus  cum  Deo  reconciliandis,  agitur  de  impetranda  venia,  agitur  de  placanda  ira  Domini,  agitur  de  redimendis  offensis.  Hoc  fieri  partim  Christi,  partim  martyrum  sanguine  iactant,  faciunt  igitur  in  recuperanda  salute  martyres  Christi  socios.  Hic  autem  fortiter  negat  Paulus,  alium  a  Christo  pro  nobis  fuisse  crucifixum.  Mortui  quidem  sunt  martyres  in  bonum  nostrum:  sed  (quemadmodum  ait  Leo)  ut  constantiae  exemplum  ederent,  non  ut  donum  iustitiae  nobis  acquirerent.  Aut  vos  in  nomen  Pauli  baptisati��  Secundum  argumentum,  quod  a  professione  baptismi  sumptum  est.  Damus  enim  ei  nomen,  in  cuius  nomen  baptizamur:  ergo  sumus  obstrictiJChristo,  cuius  nomine  baptismus  noster  est  consecratus.  Unde  sequitur,  perfidiae  esse  Corinthiis  et  desertionis  crimen,  si  se  nominibus  addicant.  Hic  baptismi  naturam  syngraphae  mutui  contractus  similem  esse  observa:  nam  sicut  eo  symbolo  nos  Dominus  in  familiam  suam  recipit  ac  populo  suo  accenset:  ita  fidem  illi  nostram  obligamus,  neque  posthac  habeamus  alium  dominum  spiritualem.  Proinde  sicuti  a  parte  Dei,  foedus  gratiae  est  quod  nobiscum  paciscitur,  quo  remissionem  peccatorum  novamque  vitam  promittit:  sic  a  parte  nostra  sacramentum  est  spiritualis  militiae,  quo  perpetuum  illi  obsequium  pollicemur.  Priorem  illam  partem  hic  Paulus  non  attingit,  quia  locus  non  ferebat:  sed  quum  de  baptismo  agitur,  non  est  omittenda.  Neque  vero  tantum  ob  id  desertionis  accusat  Paulus  Corinthios,  quod  relicto  Christo  ad  homines  transeant:  sed  foedifragos  hoc