41:317  317-318  NOTICE  LITTERAIRE.  instruction.  Aprenons  donc  ici  a  renoncer  a  nous-mesmes  et  a  toute  prudence  charnelle,  et  nous  dedier  et  d'ame  et  de  corps,  interieurement  et  exterieurement  a  servir  Dieu,  et  de  ne  permettre  que  par  nostre  laschete  ou  couardise,  sa  gloire  soit  retardee  ou  vilipendee.  N'est-ce  pas  une  extreme  folie  et  outrecuidance  a  nous,  de  penser  avancer  le  regne  de  Iesus  Christ  par  nostre  industrie  et  prudence  charnelle?  Quelle  rage  et  forcenerie  est-ce  de  vouloir  estre  comme  moienneurs  de  paix  et  accord  entre  Dieu  et  le  Diable?  Il  est  fort  a  craindre  que  voulans  ainsi  suivre  nostre  sens  et  prudence,  pensans  moderer  les  choses,  et  par  petis  moiens  et  obliques  conduire  le  tout  en  paix  et  tranquilite,  Dieu  ne  retire  son  esprit  de  nous,  et  nous  delaisse  en  nostre  sens  et  prudence,  qui  ne  peut  apporter  que  mal,  ruine  et  confusion:  de  quoi  nous  ne  voions  que  par  trop  d'exemples  auiourd'hui  que  quelques  uns  de  ceux  mesmes  qui  se  iactent  avoir  le  ministere  de  la  parole  de  Dieu,  craignans  plus  a  desplaire  aux  hommes  qu'a  Dieu,  combien  qu'ils  facent  beau  semblant  de  vouloir  retenir  la  purete  et  integrite  de  l'Evangile,  pallient,  fardent,  et  desguisent  tellement  les  choses  par  blandissements  et  flatteries,  qu'ils  ne  retiennent  que  la  peau  et  escorce,  et  superficielle  apparence  de  l'Evangile,  delaissans  les  nerfs  et  le  vrai  suc  et  substance  d'iceluy.  Aussi  plusieurs  grands  font  semblant  d'estre  bien  aises  de  se  renger  sous  le  ioug  de  Iesus  Christ,  et  suivre  la  reformation  de  son  Eglise,  mais  quand  il  est  question  de  s'opposer  constamment  et  virilement  aux  ennemis  de  Dieu,  ou  de  se  renger  sous  la  discipline  et  police  de  son  Eglise,  ou  de  la  maintenir  et  y  prester  la  main,  o  lors  il  faut  parler  selon  la  prudence  humaine,  il  faut  discourir  les  moiens  presens,  les  inconveniens  qui  en  pourroient  advenir,  il  se  faut  un  peu  accommoder  les  uns  avec  les  autres,  bref  il  faut  mesler  le  ciel  avec  la  terre.  Or  a  fin  que  les  vrais  enfans  de  Dieu  qui  seront  tousiours  en  fort  petit  nombre  ne  deffaillent  en  tant  de  calamites,  assaux,  et  combats  qu'ils  auront  a  soustenir  iusques  a  la  fin  du  monde,  et  ne  se  laissent  escouler,  voians  mesmes  plusieurs  de  leur  trouppe  ebranles  ou  par  menaces  ou  par  allechemens,  les  uns  defaillir,  et  totalement  se  revolter,  les  autres  comme  moienner  et  yoltiger  entre  deux,  et  souvent  les  premiers  et  plus  remarques  tomber  a  ses  achoppemens,  Dieu  nous  ha  delaisse  en  cette  prophetie,  comme  un  pourtrait  au  vif,  de  la  condition  et  estat  de  ces  temps  derniers,  comme  quand  il  est  dit  a  l'onzieme  chapitre,  32.  Et  fera  pecher  par  flateries  ceux  qui  se  portent  laschement  en  V  alliance:  mais  le  peuple  qui  connoist  son  Dieu,  se  fortifiera  et  mettra  en  effect,  33.  Et  les  prudens  du  peuple  donneront  instruction  a  plusieurs,  et  trebuscheront  par  V  espee,  et  par  la  flamme,  et  en  captivite,  et  en  proye  par  plusieurs  iours,  34.  Et  quand  ils  seront  trebuscMs,  ils  seront  secourus  par  petite  aide:  et  plusieurs  s'adioindront  a  eux  par  flaterie.  Bien  est  vrai  que  la  est  parle  d'Antiochus,  surnomme  le  noble,  et  de  ce  qui  devoit  avenir  de  son  temps,  mais  tant  y  ha  que  ce  que  nous  voions  en  ce  temps  ici  est  la  depeinct  si  au  vif  qu'il  semble  que  le  Prophete  n'ait  voulu  descrire  autre  temps  que  le  present,  que  nous  voions  estre  de  poinct  en  poinct  tel  comme  il  est  la  pourtraict,  et  figure.  Dont  est  aise  a  connoistre  combien  cette  saincte  Prophetie,  est  utile  et  necessaire  aux  fideles,  en  ce  dernier  temps  si  calamiteux  et  turbulent,  que  Sathan  fait  tous  ses  efforts,  et  lasche  toutes  les  brides  de  sa  fureur  pour  esteindre  l'Evangile,  et  empescher  le  regne  de  Iesus  Christ,  lequel  il  sent  a  sa  ruine  extreme,  et  perdition  s'avancer.  Ne  nous  est-ce  pas  une  grande  consolation,  et  matiere  de  nous  asseurer  en  la  providence  de  Dieu,  et  de  chasser  toute  crainte  et  desfiance  de  nous,  quelques  efforts  que  Sathan  et  ses  supposts  facent  pour  dissiper  l'Eglise,  quand  nous  voions  que  Dieu  nous  ha  voulu  deux  mille  ans  ha  et  plus,  faire  rediger  par  escrit  toutes  ces  choses  que  nous  voions  a  present,  et  nous  les  delaisser  pour  un  advertissement  et  instruction,  a  fin  qu'estans  surpris  comme  a  l'improviste,  nous  ne  defaillions  et  succombions  a  la  tentation?  ce  que  i'ai  bien  voulu  toucher  en  bref,  notant  quelques  points  generaux  et  plus  remarquables,  pour  exciter  les  fideles  a  la  lecture  de