25:317  317  REDITUS  AD  HISTORIAM.  318  tumultuantur,  ut  ne  obmurmurent  quidem.  Apparet  igitur  hac  in  parte,  non  minus  fuisse  morigeros  quam  dum  initio  arma  sumerent,  et  intrepide  in  proelium  descenderent,  aliis  extra  telorum  iactum  quiescentibus.  EX  EODEM  CAPITE.  14.  Iratusque  est  Moses  contra  praefectos  exercitus  ,  tribunos  et  centuriones  qui  revertebantur  de  expeditione  belli.  15.  Et  dixit  eis  Moses:  "Reservastisne  omnes  mulieres?  16.  Ecce.  ipsae  fuerunt  filiis  Israel,  consilio  Balaam  tradendum  in  praevaricationem  contra  Iehovam  in  negotio  Phogor,  et  fuit  plaga  in  congregatione  Iehovae.  17.  Nunc  ergo  occidite  omnes  mares  in  parvulis,  et  omnem  mulierem  quae  cognoverit  virum  concubitu  masculi,  occidite.  18.  Omnes  autem  parvulas  inter  mulieres,  quae  non  cognoverint  concubitum  masculi,  servate  vivas  vobis.  19.  Vos  vero  manete  extra  castra  septem  diebus:  omnis  qui  occiderit  aliquem*,  quicunque  item  tetigerit  occisum,  purificabitis  vos  die  tertia  et  die  septima,  vos  et  praeda  vestra.  20.  Omne  quoque  vestimentum,  et  omnem  supellectilem  pelliceam,  et  omne  opus  e  pilis  caprarum,  et  omne  vas  lineum  purificabitis.  21.  Et  dixit  Eleazar  sacerdos  ad  milites  qui  iverant  ad  bellum:  Hoc  est  statutum  legis  quod  praeceperat  Iehova  Mosi.  22.  Profecto  aurum,  et  argentum,  aes,  ferrum,  stannum  et  plumbum,  et  quidquid  ingreditur  ignem  transire  facietis  per  ignem  et  mundabitur.  23.  Verumtamen  aqua  expiationis  purificabitur:  quidquid  autem  non  ingreditur  ignem,  transire  facietis  per  aquam.  24.  Lavabitis  praeterea  vestimenta  vestra  die  septima,  et  mundi  eritis,  et  postea  intrabitis  castra,  14.  Iratusque  est  Moses.  Solent  res  bene  gestae  veniam  impetrare  vitiis,  imo  ea  quodammodo  obtegere,  ne  in  rationem  veniant.  Atqui  quamvis  exercitus  multiplicem  gratulandi  materiam  secum  afferret,  non  desinit  tamen  Moses  acriter  in  unum  delictum  invehere.  Quo  exemplo  docemur  sic  laudandas  esse  virtutes,  ne  probetur  si  quid  reprehensione  dignum  est.  Immanis  quidem  nobis  videri  posset  Mosis  iracundia,  dum  severe  milites  suos  castigat,  quia  in  sexum  muliebrem  atrociter  non  saevierint:  sed  nostrum  non  est  obtrectare  Dei  iudiciis,  ante  cuius  tribunal  nos  omnes  semel  stare  necesse  est.  Quamvis  ergo  repugnet  sensus  noster,  statuendum  est,  ubi  modum  excedere  videtur,  gravissimas  quasque  poenas  optime  aequitate  temperare,  imo  quum  idem  scelus  (cuius  severus  ultor  est  adversus  Madianitas)  remittat  Moabitis  ad  tempus,  vel  saltem  non  ita  puniat,  in  hac  varietate  iustissima  est  causa,  sed  penes  eum  abscondita.  Nostrum  quidem  non  est