7:316  expressionem?  Vides  ergo  carmen  esse,  magis  cantillando  aptum  quam  formulam  confessionis,  in  qua  syllabam  unam  redundare  absurdum  est.  Quid  quod  Augustinus,  qui  valde  religiosus  fuit  cultor  Nicaenae  synodi,  fortiter  impugnat  particulam  illam:  Credo  in  sanctam  ecclesiam?  Vitiosam  enim  loquutionem  esse  contendit.  An  hoc  faceret  saltem  absque  honoris  praefatione,  si  putaret  a  talibus  autoribus  manasse?  Quin  etiam  inscitiae  arguit  eos  qui  sic  loquuntur.  Tu  autem  adigere  vis  omnes  fideles,  ut  tibi  in  hoc  etiam  errore  assentiantur.  In  extenuanda  symbolorum  autoritate  non  ultra  progressum  esse  Calvinum,  testes  sunt  omnes  qui  adfuerunt;  nec  alio  spectabat  nisi  ut  Caroli  proterviam  simul  et  pertinaciam  paululum  reprimeret.  Et  ipse  quoque  canis  ultro  concedit  Calvino  non  fuisse  [pag.  48]  propositum  fidem  symbolis  derogare.  Suis  enim  verbis,  hoc  est  sorbonica  elegantia,  Calvinum  sic  loquentem  inducit:  Ego  neque  credo,  neque  discredo.  Quibus  tametsi  nunquam  usus  est  Calvinus,  libenter  tamen  accipio  quod  adversarius  concedit.  Denique  responsio  Calvini  erat,  ut  vulgo  loquitur,  non  tam  ad  rem,  quam  ad  hominem.  Qualis  postea  fuerit  disceptatio,  coniicere  ex  ipso  statu  quaestionis  licet,  et  partium  ingeniis.  Quantum  autem  adhibendum  sit  fidei  Carolo  referenti  quod  sibi  commodum  fore  putabat,  sani  lectores  per  se,  nec  aliunde  admoniti,  facile  reputabunt.  Quaedam  tamen  specimina  hic  indicabo,  quibus  ad  recte  iudicandum  nonnihil  adiuvari  queant.  Calvinum  asserit  causidicum  fuisse  Castelletil)  parisiensis.  At  ego  scio  ne  tribunal  quidem  illud  Calvino  unquam  visum  esse.  Quicunque  autem  eum  noverunt  hi  sciunt,  nusquam  eum  causam  egisse  tota  vita,  ac  ne  professione  quidem  aut  titulo  fuisse  unquam  advocatum.  Cuius,  obsecro,  verecundiae  est,  primam  narrationis  paginam  mendacio  aspergere,  quod  non  tacita  modo  opinione  lectorum,  sed  clara  omnium  voce  protinus  refutetur.  Quin  etiam  inde  perspicuum  est,  quanta  mentiendi  libidine  flagret  Carolus,  quod  temperare  sibi  nequit  quin  mentiatur,  ubi  nulla  est  causa  et  nulla  merces.  Quid  enim  profecerit,  si  maxime  constet  in  causis  agendis  Calvinum  aliquando  versatum  esse?  Magnum  dedecus  scilicet,  [pag.  49]  Quid  ergo  facturus  esset  Carolus,  si  falsa  narrando  magnum  aliquod  commodum  consequi  se  posse  confideret?  Sit  hoc  alterum  specimen  :  Calvinum  a  vocibus  trinitatis  et  personarum  abhorruisse  fingit,  quod  nimium  Ciceronianus  esset;  quasi  vero  ab  his  vocibus  Calvinus  in  scriptis  suis  abstinuerit;  quasi  non  iam  tunc  exstaret  Institutio,  quae  ab  hac  calumnia  1)  Le  ChateleU