55:316  Mox  quidem  speciales  sententias  accommodabit  singulis  aetatibus.  Falluntur  tamen  qui  hinc  faciunt  initium.  Quin  potius  ne  superior  exhortatio  gratuitae  peccatorum  remissioni  obscuritatem  induceret,  doctrinam  hanc,  quae  fidei  propria  est,  iterum  inculcat:  ut  certe  hoc  fundamentum  semper  retinendum  est,  in  sola  Christi  gratia  nobis  salutem  esse  repositam.  Urgenda  quidem  vitae  sanctitas,  sedulo  praecipiendum  de  timore  Dei,  acriter  stimulandi  ad  poenitentiam  homines,  commendanda  vitae  novitas  cum  suis  fructibus:  semper  tamen  cavendum  ne  suffocetur  fidei  doctrina,  quae  Christum  unicum  salutis  bonorumque  omnium  autorem  statuit.  Quin  potius  servanda  est  haec  moderatio  ut  primas  semper  fides  obtineat.  Hanc  legem  nobis  praescribit  Iohannes,  quum  de  bonis  operibus  sedulo  concionatus,  ne  tamen  plus  illis  dare  videatur  quam  oportet,  adeo  sollicite  nos  ad  Christi  gratiam  revocat.  "Remittuntur  vobis  peccata.  Sine  hac  fiducia  non  nisi  fluxa  et  umbratilis  erit  pietatis  species.  Imo  qui  gratuita  peccatorum  remissione  posthabita,  insistunt  in  aliis  partibus,  sine  fundamento  aedificant.  Interea  Iohannes  significat,  nihil  stimulandis  ad  timorem  Dei  hominibus  aptius  esse,  quam  dum  rite  edocti  sunt  quid  illis  bonorum  attulerit  Christus:  quemadmodum  Paulus  (Philip.  1,  8)  obsecrat  per  viscera  misericordiae  Dei.  Unde  apparet  quam  improba  sit  papistarum  calumnia,  qui  frigere  bene  agendi  studium  causantur,  dum  ea  extollitur  quae  sola  obsequentes  Deo  filios  reddit.  Nam  inde  sumit  hortandi  materiam,  quod  tam  benevolum  nobis  Deum  esse  novimus,  ut  peccata  non  imputet.  Propter  nomen  eius.  Causa  materialis  adscribitur,  ne  quaeramus  alia  media  quae  nos  Deo  reconcilient.  Neque  enim  satis  fuerit  tenere,  Deum  nobis  ignoscere  peccata,  nisi  recta  veniamus  ad  Christum,  et  pretium  illud  quod  in  cruce  nobis  persolvit.  Idque  eo  magis  observandum,  quod  videmus  Satanae  astu  et  pravis  hominum  figmentis  hano  viam  obstructam  esse:  dum  variis  satisfactionibus  placare  Deum  conantur  stulti  homines,  et  innumera  expiationum  genera  excogitant  ad  se  redimendos.  Nam  quot  promerendae  veniae  media  Deo  ingerimus,  tot  abstaculis  arcemur  ab  eius  accessu.  Proinde  Iohannes  non  contentus  hac  simplici  doctrina,  quod  nobis  peccata  Deus  remittat,  nominatim  addit,  propitium  nobis  esse  Christi  respectu,  ut  alias  omnes  rationes  excludat.  Nos  quoque  ut  hoc  beneficio  fruamur,  omnia  alia  nomina  omittere  et  oblivisci  necesse  est,  solumque  Christi  nomen  amplecti.  13.  Scribo  vobis  patres.  Iam  ad  aetatum  enumerationem  descendit,  ut  ostendat  singulis  convenire  quod  docet.  Nam  generalis  sermo  interdum  minus  afficit:  imo,  quae  nostra  est  malignitas,  pauci  sunt  qui  putent  ad  se  pertinere  quod  simul  ad  omnes  dirigitur.  Senes  se  ut  plurimum  subducunt,  quasi  ex-